Ngayogyakarta, www.jogjatv.tv - Gubernur DIY, Sri Sultan Hamengku Buwono kaping X, dinten Senen enjing(11/4), tetinjo dhateng wewengkon cagar budaya Kotagede ingkang sampun dipun mulyakaken malih. Cagar budaya kasebat sakawit risak jalaran tumempuhing lindhu ageng ing Ngayogyakarta, tahun 2006 kapengker.
Sinaosa jawah, Gubernur DIY, Sri Sultan Hamengku Buwono kaping X, tetinjo dhateng wewengkon cagar budaya Kotagede, saperlu mirsani wewangunan cagar budaya ingkang sampun dipun mulyakaken. Wewangunan cagar budaya kasebat sakawit risak jalaran tumempuhipun lindhu ageng ing Ngayogyakarta, wulan Wei taun 2006 kapengker. Kotagede kalebet wewengkon cagar budaya, jalaran mujudaken tilas punjering Pamarintahan Mataram Islam I, minangka cikal bakal budaya Jawi Mataram ingkang adiluhung. Kanthi kepyakakan cagar budaya Kotagede, Gubernur DIY ngajab, saged ndayakaken warga ing sakiwa tengen ingkang mangkenipun badhe nampi bebathen, awit regengipun donyaning pariwisata ing wewenkon Kotagede.
Ing kalodhangan kasebat ugi dipun tapak astani, pengelolaan bersama kawasan cagar budaya Kotagede antawisipun Pemerintah Kota Yogyakarta lan Pemerintah Kabupaten Bantul, awit Kotagede dumunung ing kekalih wewengkon pemerintahan kasebat, kadosta Kalurahan Jagalan lan Singosaren, ingkang mlebet Kecamatan Banguntapan, Bantul sarta Kalurahan Purbayan, Rejowinangun lan Prenggan ingkang mlebet wewengkon Kota Yogyakarta.
Hery Poernomo
Sinaosa jawah, Gubernur DIY, Sri Sultan Hamengku Buwono kaping X, tetinjo dhateng wewengkon cagar budaya Kotagede, saperlu mirsani wewangunan cagar budaya ingkang sampun dipun mulyakaken. Wewangunan cagar budaya kasebat sakawit risak jalaran tumempuhipun lindhu ageng ing Ngayogyakarta, wulan Wei taun 2006 kapengker. Kotagede kalebet wewengkon cagar budaya, jalaran mujudaken tilas punjering Pamarintahan Mataram Islam I, minangka cikal bakal budaya Jawi Mataram ingkang adiluhung. Kanthi kepyakakan cagar budaya Kotagede, Gubernur DIY ngajab, saged ndayakaken warga ing sakiwa tengen ingkang mangkenipun badhe nampi bebathen, awit regengipun donyaning pariwisata ing wewenkon Kotagede.
Ing kalodhangan kasebat ugi dipun tapak astani, pengelolaan bersama kawasan cagar budaya Kotagede antawisipun Pemerintah Kota Yogyakarta lan Pemerintah Kabupaten Bantul, awit Kotagede dumunung ing kekalih wewengkon pemerintahan kasebat, kadosta Kalurahan Jagalan lan Singosaren, ingkang mlebet Kecamatan Banguntapan, Bantul sarta Kalurahan Purbayan, Rejowinangun lan Prenggan ingkang mlebet wewengkon Kota Yogyakarta.
Hery Poernomo
