Bantul, www.jogjatv.tv - Sumebaripun sesakit leptospirosis ing Kabupaten Bantul, ngantos samangke taksih dipun telakaken kalebet Kejadian Luar Biasa, KLB. Sawetawis kupiya sampun dipun lampahaken dening Pemerintah Kabupaten Bantul, sinaosa asilipun dereng maremaken. Awit saking punika, dipun betahaken kawigatosan saking sedaya warga, kangge ngawekani sumebaripun sesakit kasebat.
Kridha jalan sehat ingkang dipun adani dening Badan Keswadayaan Masyarakat Kalurahan Panggungharjo punika, kajawi kangge ngregengaken pengetan ambal warsa BKM Sewon, ugi katujokaken kangge mbiwarakaken bebaya leptospirosis. Sinaosa ing Kecamatan Sewon dereng wonten korban jiwa, nanging wewengkon ingkang dunungipun celak kaliyan Kecamatan Kasihan lan Kota Yogyakarta kawawas mutawatosi sumebaripun sesakit ingkang dipun tularaken dening tikus punika.
5.000 warga tumut jalan sehat ingkang tebihipun 5 kilometer. Ing sauruting margi, warga dipun paringi seserepan babagan bebaya leptospirosis, kanthi nedahaken papan papan ingkang asring kangge susuh tikus. Lumantar krida kasebat, dipun ajab seserepaning warga saya tambah, lan warga saged tumuli ngecakaken lampah gesang resik, lan sehat, ing griyanipun piyambak piyambak.
Anang
Kridha jalan sehat ingkang dipun adani dening Badan Keswadayaan Masyarakat Kalurahan Panggungharjo punika, kajawi kangge ngregengaken pengetan ambal warsa BKM Sewon, ugi katujokaken kangge mbiwarakaken bebaya leptospirosis. Sinaosa ing Kecamatan Sewon dereng wonten korban jiwa, nanging wewengkon ingkang dunungipun celak kaliyan Kecamatan Kasihan lan Kota Yogyakarta kawawas mutawatosi sumebaripun sesakit ingkang dipun tularaken dening tikus punika.
5.000 warga tumut jalan sehat ingkang tebihipun 5 kilometer. Ing sauruting margi, warga dipun paringi seserepan babagan bebaya leptospirosis, kanthi nedahaken papan papan ingkang asring kangge susuh tikus. Lumantar krida kasebat, dipun ajab seserepaning warga saya tambah, lan warga saged tumuli ngecakaken lampah gesang resik, lan sehat, ing griyanipun piyambak piyambak.
Anang
