Bantul, www.jogjatv.tv - Ndungkap Ujian Nasional, utawi Unas kangge siswa SMA–SMK ing tanggal 18 April ngajeng, siswa SMA Negeri I Srandakan, Bantul sampun nglampahaken cecawisan. Kejawi nambah jam pelajaran lan try out, siswa ugi tumut mujahadahan, mapan ing mesjid sekolah. Pangajabipun sedaya siswa saged lulus Unas ing tahun punika.
Siswa kelas XII, SMA Negeri I Srandakan, Bantul, dinten Setu enjing(9/4), katingal khusuk anggenipun mujahadah, ingkang dipun adani ing mesjid sekolah kasebat. Sawetawis siswa nangis, nalika ustad maos donga, supados para siswa lulus Ujian Nasional. Sinaosa kangge materi, sampun dipun tambahi jamipun lan dipun adani try out, ananging mboten ateges siswa sampun samekta ngadhepi Unas.
Sasampunipun mujahadahan, siswa lan wali murid, mirengaken taushiah saking Kepala Dinas Pendidikan Menengah, dan Non Formal Kabupaten Bantul, Masharun Ghazali. Masharun mundhut dhateng tiyang sepuh siswa, supados suka panjurung dhateng putra putrinipun, supados kasil salebetipun Unas.
Kepala SMA Negeri I Srandakan, Muhamad Fauzan ngajab, lumantar rerangkening krida ingkang sampun dipun lampahaken sadangunipun punika, sedaya siswa kelas XII, saged lulus salebeting Ujian Nasional taun samangke.
Anang Zainuddin
Siswa kelas XII, SMA Negeri I Srandakan, Bantul, dinten Setu enjing(9/4), katingal khusuk anggenipun mujahadah, ingkang dipun adani ing mesjid sekolah kasebat. Sawetawis siswa nangis, nalika ustad maos donga, supados para siswa lulus Ujian Nasional. Sinaosa kangge materi, sampun dipun tambahi jamipun lan dipun adani try out, ananging mboten ateges siswa sampun samekta ngadhepi Unas.
Sasampunipun mujahadahan, siswa lan wali murid, mirengaken taushiah saking Kepala Dinas Pendidikan Menengah, dan Non Formal Kabupaten Bantul, Masharun Ghazali. Masharun mundhut dhateng tiyang sepuh siswa, supados suka panjurung dhateng putra putrinipun, supados kasil salebetipun Unas.
Kepala SMA Negeri I Srandakan, Muhamad Fauzan ngajab, lumantar rerangkening krida ingkang sampun dipun lampahaken sadangunipun punika, sedaya siswa kelas XII, saged lulus salebeting Ujian Nasional taun samangke.
Anang Zainuddin
