Ngayogyakarta, www.jogjatv.tv - Sampun ajeg kados padatan, saben 35 dinten sepisan, mliginipun ing malem Setu Paing jam 21.00 WIB, Kadipaten Pura Pakualaman, Ngayogyakarta ngadani Upacara Caos kangge nggantos prajurit ingkang kajibah jagi regol. Wondene lampahing upacara katindakaken kanthi prasaja ing regol Kadipaten Pura Pakualaman, kanthi dipun pratandani masrahaken Gendera Kadipaten Pura Pakualaman saking prajurit lami dhateng prajurit enggal.
Miturut Mas Lurah Wiro Sasongko, upacara srah panampining caos jaga regol ingkang ajeg dipun adani saben malem Setu paing, kajawi kangge nggantos prajurit ingkang kajibah njagi regol, ugi kangge mahargya Tingalan Dalem Sri Paduka Paku Alam kaping VIII, ingkang miyos ing malem Setu Paing. Kangge ngemut-emut dinten kasebat, dipun adani sarasehan lan mirengaken kridha panglipur uyon-uyon. Lampahing upacara jaga regol, dipun wiwiti kanthi lapuran saking Manggala Prajurit Lombok Abang, Mas Ngabehi Wiro Handoyo dhateng Manggala Prajurit Plangkir, Mas Ngabehi Wiro Daminto. Lan saben bregada prajurit gunggung tiyang 40. Sasampunipun palapuran, kekalih bregodo prajurit caos pakurmatan lan masrahaken Gendera Kadipaten Paku Alaman minangka tanda gantosipun prajurit ingkang caos ing Kadipaten Pura Pakualaman.
Mas Lurah Wiro Sasongko mratelakaken, gantosipun prajurit jaga regol ing saben dintenipun wonten 3 sip. Sip I lan sip kaping III katindakaken dening 2 bregada Prajurit Lombok Abang lan Prajurit Plangkir. Wondene kangge sip kaping II katindakaken dening satpam Pura Pakualaman.
Nadi Mulyadi
Miturut Mas Lurah Wiro Sasongko, upacara srah panampining caos jaga regol ingkang ajeg dipun adani saben malem Setu paing, kajawi kangge nggantos prajurit ingkang kajibah njagi regol, ugi kangge mahargya Tingalan Dalem Sri Paduka Paku Alam kaping VIII, ingkang miyos ing malem Setu Paing. Kangge ngemut-emut dinten kasebat, dipun adani sarasehan lan mirengaken kridha panglipur uyon-uyon. Lampahing upacara jaga regol, dipun wiwiti kanthi lapuran saking Manggala Prajurit Lombok Abang, Mas Ngabehi Wiro Handoyo dhateng Manggala Prajurit Plangkir, Mas Ngabehi Wiro Daminto. Lan saben bregada prajurit gunggung tiyang 40. Sasampunipun palapuran, kekalih bregodo prajurit caos pakurmatan lan masrahaken Gendera Kadipaten Paku Alaman minangka tanda gantosipun prajurit ingkang caos ing Kadipaten Pura Pakualaman.
Mas Lurah Wiro Sasongko mratelakaken, gantosipun prajurit jaga regol ing saben dintenipun wonten 3 sip. Sip I lan sip kaping III katindakaken dening 2 bregada Prajurit Lombok Abang lan Prajurit Plangkir. Wondene kangge sip kaping II katindakaken dening satpam Pura Pakualaman.
Nadi Mulyadi
