Klaten, www.jogjatv.tv - Koran bekas ingkang padatan namung dipun anggep minangka uwuh, menawi dipun ocal kanthi saestu, pranyata saged ndhatengaken pamedal. Ing Klaten, Jawa Tengah, satunggaling perajin tenun ATBM nanjakaken koran bekas kangge damel kerajinan tenun.
Sandiyo, satunggaling warga Desa Bowan, Kecamatan Delanggu, Klaten, Jawa Tengah, kupiya nanjakaken koran bekas kangge damel kerajinan tenun ATBM. Pandameling tenun saking bahan Koran, sakalangkung gampil. Koran kasebat dipun guntingi kanthi ukuran 1 centimeter, lan dipun dadosaken bahan isi tenun.
Tenun koran saged dipun gatra dados maneka kerajinan, antawisipun taplak meja, wadhah tisu sarta rerenggan sanesipun. Regi panyadening tenun koran ugi mirah, inggih punika Rp. 8.000,- saben meteripun. Kerajinan tenun koran wohing pakaryanipun Sandiyo, sampun ngrambah dhateng maneka kitha ageng ing Indonesia, kadosta Ngayogyakarta, Surakarta, Bandung lan Bali.
Tim Liputan
Sandiyo, satunggaling warga Desa Bowan, Kecamatan Delanggu, Klaten, Jawa Tengah, kupiya nanjakaken koran bekas kangge damel kerajinan tenun ATBM. Pandameling tenun saking bahan Koran, sakalangkung gampil. Koran kasebat dipun guntingi kanthi ukuran 1 centimeter, lan dipun dadosaken bahan isi tenun.
Tenun koran saged dipun gatra dados maneka kerajinan, antawisipun taplak meja, wadhah tisu sarta rerenggan sanesipun. Regi panyadening tenun koran ugi mirah, inggih punika Rp. 8.000,- saben meteripun. Kerajinan tenun koran wohing pakaryanipun Sandiyo, sampun ngrambah dhateng maneka kitha ageng ing Indonesia, kadosta Ngayogyakarta, Surakarta, Bandung lan Bali.
Tim Liputan
