Ngayogyakarta, www.jogjatv.tv - Kangge nggatra kapribaden sae tumrapipun para wiranem, Sentana Dalem Pura Pakualaman Ngayogyakarta, malem Setu paing kala wingi(8/4), ngadani sarasehan kanthi ngrembag Serat Wedharaga. Sarasehan ingkang dipun sengkuyung dening para wiranem, dosen sarta seniman punika, dipun adani ing Ruang Parangkarso lan dipun rawuhi dening Sri Paduka Paku Alam Kaping IX.
Sarasehan ingkang ajeg dipun adani ing saben malem Setu Pahing punika, kajawi ancasipun kangge nglestantunaken budaya Jawi lan ngetrapaken unggah-ungguh menggahing para wiranem, ugi kangge nggatra watak sae tumrapipun para wiranem adhedhasar Serat Wedharaga ingkang kasimpen ing Pura Pakualaman Ngayogyakarta. Lumantar sarasehan punika para pasarta kaajab saged suka pamanggih punapa dene pamrayogi. Miturut Anggiastri samangke donyaning pasrawungan para nem-neman langkung jembar. Lan bab punika temtu kemawon mangaribawani unggah ungguh lan trapsila dhateng tiyang sepuh. Awit saking punika kanthi wontenipun sarasehan ingkang ngrembag Serat Wedharaga, kaajab saged nanemaken unggah ungguh tumrapipun para wiranem, inggih ing wewengkon sekolah, keluarga punapa dene masyarakat.
Sri Paduka Paku Alam Kaping IX ngendika, Serat Wedharaga anggitanipun Ki Ranggawarsito mujudaken piwulang gesang menggahipun para wiranem. Salebeting Serat Wedharaga dipun sebataken wonten 18 piwucal baku, antawisipun boten pareng ngucap janji, boten pareng medhukun, boten pareng apus krama, boten paring lamis, boten pareng gumendhung kumalungkung, kaajab remen ngangsu kawruh lan sapanunggalanipun.
Nadi Mulyadi
Sarasehan ingkang ajeg dipun adani ing saben malem Setu Pahing punika, kajawi ancasipun kangge nglestantunaken budaya Jawi lan ngetrapaken unggah-ungguh menggahing para wiranem, ugi kangge nggatra watak sae tumrapipun para wiranem adhedhasar Serat Wedharaga ingkang kasimpen ing Pura Pakualaman Ngayogyakarta. Lumantar sarasehan punika para pasarta kaajab saged suka pamanggih punapa dene pamrayogi. Miturut Anggiastri samangke donyaning pasrawungan para nem-neman langkung jembar. Lan bab punika temtu kemawon mangaribawani unggah ungguh lan trapsila dhateng tiyang sepuh. Awit saking punika kanthi wontenipun sarasehan ingkang ngrembag Serat Wedharaga, kaajab saged nanemaken unggah ungguh tumrapipun para wiranem, inggih ing wewengkon sekolah, keluarga punapa dene masyarakat.
Sri Paduka Paku Alam Kaping IX ngendika, Serat Wedharaga anggitanipun Ki Ranggawarsito mujudaken piwulang gesang menggahipun para wiranem. Salebeting Serat Wedharaga dipun sebataken wonten 18 piwucal baku, antawisipun boten pareng ngucap janji, boten pareng medhukun, boten pareng apus krama, boten paring lamis, boten pareng gumendhung kumalungkung, kaajab remen ngangsu kawruh lan sapanunggalanipun.
Nadi Mulyadi
