Klaten, www.jogjatv.tv – Menda limrahipun nedha ramban. Ananging ing Klaten, Jawa Tengah, dipun panggihaken satunggaling menda nyleneh ingkang wulunipun kandel sarta remen nedha roti. Menda jinis gibas asal Australia punika, ugi jinak kaliyan lare.
Nopen Pramudyanalendra, lare umur 4 taun, warga Dhukuh Jonggran, Desa Karanganom, Kecamatan Klaten Utara punika, nggadhahi menda ingkang jinak.
Kepara, menda kasebat dipun ajak dolanan ing saben dintenipun. Menda gadhahanipun Nopen sakelangkung nyleneh, awit remen nedha roti, boten kados menda limrahipun. Kejawi punika, menda kasebat wulunipun ing perangan punuk ugi sakelangkung kandel, satemah mirip kados dene rambut model punk.
Kejawi wulunipun kandel, perangan buntutipun ugi langkung ageng, beda kaliyan menda sanesipun. Awit ukuran badanipun ageng, pramila asring dipun tumpaki kangge mubeng dhusun.
Tim Liputan
Nopen Pramudyanalendra, lare umur 4 taun, warga Dhukuh Jonggran, Desa Karanganom, Kecamatan Klaten Utara punika, nggadhahi menda ingkang jinak.
Kepara, menda kasebat dipun ajak dolanan ing saben dintenipun. Menda gadhahanipun Nopen sakelangkung nyleneh, awit remen nedha roti, boten kados menda limrahipun. Kejawi punika, menda kasebat wulunipun ing perangan punuk ugi sakelangkung kandel, satemah mirip kados dene rambut model punk.
Kejawi wulunipun kandel, perangan buntutipun ugi langkung ageng, beda kaliyan menda sanesipun. Awit ukuran badanipun ageng, pramila asring dipun tumpaki kangge mubeng dhusun.
Tim Liputan
