Sleman, www.jogjatv.tv - Krentegipun umat Islam ing Kabupaten Sleman kangge nindakaken ibadah haji pranyata grengseng. Kabukten, samangke calon jamaah haji asal Sleman ingkang sampun kacathet ing daftar tunggu nggayuh 8.000 tiyang, satemah umat Islam ingkang ndaftar ing tahun punika, badhe dipun bidhalaken ing tahun 2018 ngajeng.
Miturut data ing Kantor Kementrian Agama Kabupaten Sleman, kuota haji ing Kabupaten Sleman watawis 1.200 tiyang ing saben tahunipun. Kamangka, warga ingkang ndaptar jemaah haji nggayuh 2.000 tiyang ing saben tahunipun. Jalaran kuota kaliyan warga ingkang ndaftar mboten imbang, njalari kathahipun warga ingkang mlebet daftar tunggu. Miturut Kasi Penyelenggara Haji Kantor Kementrian Agama Kabupaten Sleman, Jauzan Sanusi, samangke calon jamaah haji asal Sleman ingkang mlebet daftar tunggu nggayuh 8.000 tiyang. Kathahipun umat Islam ing Sleman, ingkang gadhah krenteg nindakaken ibadah haji jalaran sawetawis bab, antawisipun awit saya kathahipun warga, sarta mindhakipun lampah ekonomin ing masyarakat.
Jauzan Sanusi mratelakaken, calon jemaah haji asal Sleman ingkang badhe bidhal ing tahun punika, wonten 1.222 tiyang. Calon haji ingkang badhe bidhal punika, sampun ndaftar ing tahun 2008 kapengker, lan wiwitan tahun 2009 kapengker.
Subardi
Miturut data ing Kantor Kementrian Agama Kabupaten Sleman, kuota haji ing Kabupaten Sleman watawis 1.200 tiyang ing saben tahunipun. Kamangka, warga ingkang ndaptar jemaah haji nggayuh 2.000 tiyang ing saben tahunipun. Jalaran kuota kaliyan warga ingkang ndaftar mboten imbang, njalari kathahipun warga ingkang mlebet daftar tunggu. Miturut Kasi Penyelenggara Haji Kantor Kementrian Agama Kabupaten Sleman, Jauzan Sanusi, samangke calon jamaah haji asal Sleman ingkang mlebet daftar tunggu nggayuh 8.000 tiyang. Kathahipun umat Islam ing Sleman, ingkang gadhah krenteg nindakaken ibadah haji jalaran sawetawis bab, antawisipun awit saya kathahipun warga, sarta mindhakipun lampah ekonomin ing masyarakat.
Jauzan Sanusi mratelakaken, calon jemaah haji asal Sleman ingkang badhe bidhal ing tahun punika, wonten 1.222 tiyang. Calon haji ingkang badhe bidhal punika, sampun ndaftar ing tahun 2008 kapengker, lan wiwitan tahun 2009 kapengker.
Subardi
