Ngayogyakarta, www.jogjatv.tv - Kangge ngrancakaken program pemerintah ing bidang perencanaan dan pembangunan, Badan Penanggulangan Bencana Daerah, BPBD DIY, dinten Rebo enjing(20/4), ngadani Rapat Kerja, Raker Penyusunan Data Satuan Perlindungan Masyarakat, Satlinmas. Raker dipun estreni dening 30 warga, mapan ing Hotel Grage Ngayogyakarta, kanthi dipun kepyakaken dening Kepala Kesbanglinmas DIY, ingkang dipun wakili Kabid Kesbanglinmas DIY, Rusdiyanto.
Miturut Rusdiyanto, rantaman program pembangunan ing Badan Kesbanglinmas DIY, satrep kaliyan amanat Undang-Undang Nomor 32 Tahun 2004, bab pemerintahan daerah, bilih penyelenggara perlindungan masyarakat mujudaken perkawis ingkang dados wewenangipun pemerintah DIY. Kangge nyipta kawontenan ingkang aman ing dhaerah, inggih ing bidang sosial, punapa dene bidang pemerintahan, pramila warganing Satlinmas gadah jejibahan suka pangayoman hak-hak sipil, lan politik salebeting keamanan lan ketertiban. Warganing Satlinmas kedah mulat, lan tanggap dhateng kawontenan, amrih kangge nggayuh katentremaning masyarakat.
Rusdiyanto mratelakaken, 30 warga saking 4 kabupaten lan kota, salebetipun tumut Raker saged suka pemanggih, lan pamrayogi dhateng Satlinmas. Lumantar Raker punika, saged ngindhakaken koordinasi saperlu nyawijekaken program, salebetipun ngindhakaken keamanan lan katentremaning masyarakat.
Nadi Mulyadi
Miturut Rusdiyanto, rantaman program pembangunan ing Badan Kesbanglinmas DIY, satrep kaliyan amanat Undang-Undang Nomor 32 Tahun 2004, bab pemerintahan daerah, bilih penyelenggara perlindungan masyarakat mujudaken perkawis ingkang dados wewenangipun pemerintah DIY. Kangge nyipta kawontenan ingkang aman ing dhaerah, inggih ing bidang sosial, punapa dene bidang pemerintahan, pramila warganing Satlinmas gadah jejibahan suka pangayoman hak-hak sipil, lan politik salebeting keamanan lan ketertiban. Warganing Satlinmas kedah mulat, lan tanggap dhateng kawontenan, amrih kangge nggayuh katentremaning masyarakat.
Rusdiyanto mratelakaken, 30 warga saking 4 kabupaten lan kota, salebetipun tumut Raker saged suka pemanggih, lan pamrayogi dhateng Satlinmas. Lumantar Raker punika, saged ngindhakaken koordinasi saperlu nyawijekaken program, salebetipun ngindhakaken keamanan lan katentremaning masyarakat.
Nadi Mulyadi
