Sleman, www.jogjatv.tv - Winatesipun kawontenan mboten matesi kangge makarya lan gadhah prestasi. Bab punika dipun buktekaken dening Nuning Suryati Ningsih, satunggaling ibu yuswa 43 tahun, lan gadhah yoga 1, ingkang saged ndayakaken Citra Wanita Indonesia. Kawontenan badan ingkang cacat, boten njalari alit ing panggalih, kepara wanita punika kapilih dados warganing Komisi Pemilihan Umum Daerah Kabupaten Sleman sadanguning 2 dekade, wiwit taun 2003 kapengker. Nuning ugi dipun pitados minangka ketua pengurus yayasan menggahing panandhang cacat ing Ngayogyakarta.
Nuning Suryati Ningsih, wanita ingkang pantes tinuladha ing wekdal samangke. Gregetipun ingkang ageng kangge makarya, njalari Nuning pinitados dados pengurus ing sawetawis bebadan. Antawisipun minangka warganing Komisi Pemilihan Uumum Daerah, KPUD Sleman.
Sasampunipun Pemilukada Sleman sawetawis wekdal kapengker, samangke pakaryanipun langkung entheng. Saben dintenipun nampi tamu ingkang rawuh, awit KPUD Sleman asring kangge study banding menggahing warga KPUD ing pulo Jawa, punapa dene sajawining Pulo Jawa.
Pakaryan sanesipun, Nuning ingkang mujudaken Alumni Fakultas Hukum Universitas Indonesia angkatan taun 1985, tetep nindakaken jejibahanipun minangka semahipun Sumarto, lan ibu menggahing Alfian Nur Rahmat Saputro, yoga ontang antingipun.
Nuning, wanita panandhang cacat saking Ngayogyakarta ingkang kasil. Mboten gumunaken menawi Nuning dipun pitados minangka Ketua Yayasan Ciqal, yayasan ingkang paring kawigatosan dhateng para panandhang cacat ing Ngayogyakarta, ingkang samangke warganipun ewonan tiyang.
Hari Atmaja
Nuning Suryati Ningsih, wanita ingkang pantes tinuladha ing wekdal samangke. Gregetipun ingkang ageng kangge makarya, njalari Nuning pinitados dados pengurus ing sawetawis bebadan. Antawisipun minangka warganing Komisi Pemilihan Uumum Daerah, KPUD Sleman.
Sasampunipun Pemilukada Sleman sawetawis wekdal kapengker, samangke pakaryanipun langkung entheng. Saben dintenipun nampi tamu ingkang rawuh, awit KPUD Sleman asring kangge study banding menggahing warga KPUD ing pulo Jawa, punapa dene sajawining Pulo Jawa.
Pakaryan sanesipun, Nuning ingkang mujudaken Alumni Fakultas Hukum Universitas Indonesia angkatan taun 1985, tetep nindakaken jejibahanipun minangka semahipun Sumarto, lan ibu menggahing Alfian Nur Rahmat Saputro, yoga ontang antingipun.
Nuning, wanita panandhang cacat saking Ngayogyakarta ingkang kasil. Mboten gumunaken menawi Nuning dipun pitados minangka Ketua Yayasan Ciqal, yayasan ingkang paring kawigatosan dhateng para panandhang cacat ing Ngayogyakarta, ingkang samangke warganipun ewonan tiyang.
Hari Atmaja
