Ngayogyakarta, www.jogjatv.tv - 800 santri tumut Festival Anak Soleh Indonesia kaping 8, ingkang dipun adani dinten Minggu enjing(10/4), mapan ing Perguruan Tinggi Kampus Muhammdiyah Jalan Kapas Ngayogyakarta. Atusan santri kasebat asal saking saindenging Provinsi DIY. Lampahing Festival Anak Soleh katujokaken kangge pados santri ingkang mumpuni, ingkang salajengipun badhe dipun ajengaken salebeting Festival Anak Sholeh Indonesia tataran Nasional, ing wulan September ngajeng.
800 santri ingkang nyengkuyung lampahing Festival Anak Sholeh Indonesia kaping 8, inggih punika santri saking Taman Kanak Kanak Alquran, TKA lan Taman Pendidikan Alquran, TPA Sa-Provinsi DIY. Krida ingkang dipun adani ing Perguruan Tinggi Muhammadiyah, Jalan Kapas Ngayogyakarta punika, dipun regengaken sawetawis kesenian agamis saking para santri.
Lampahing Festival Anak Sholeh Indonesia kaping 8 kanthi simbolis dipun kepyakaken Gubernur DIY, ingkang dipun wakili dening Sekretaris Daerah Propinsi DIY, Triharjun Ismaji. Salebeting serat pambagyanipun, Gubernur DIY ngajab, Festival Anak Sholeh mboten namung kangge silahturahmi kemawon, nanging ugi saged minangka sarana kangge mangertosi bakatipun para santri.
Lumantar krida Festival Anak Sholeh tataran Propinsi DIY punika, para santri kaajab tumemen anggenipun nedahaken kesagedanipun. Lan menggahipun pasarta ingkang sasab badhe kapilih makili DIY salebeting Festival Anak Soleh tataran Nasional, ing wulan September ngajeng.
Salebeting Festival Anak Sholeh Indonesia punika, wonten 22 cabang lomba, lan badhe dipun pilih 57 santri ingkang badhe majeng makili Festival Anak Sholeh ing tingkat Nasional.
Hari Atmaja-Arif
800 santri ingkang nyengkuyung lampahing Festival Anak Sholeh Indonesia kaping 8, inggih punika santri saking Taman Kanak Kanak Alquran, TKA lan Taman Pendidikan Alquran, TPA Sa-Provinsi DIY. Krida ingkang dipun adani ing Perguruan Tinggi Muhammadiyah, Jalan Kapas Ngayogyakarta punika, dipun regengaken sawetawis kesenian agamis saking para santri.
Lampahing Festival Anak Sholeh Indonesia kaping 8 kanthi simbolis dipun kepyakaken Gubernur DIY, ingkang dipun wakili dening Sekretaris Daerah Propinsi DIY, Triharjun Ismaji. Salebeting serat pambagyanipun, Gubernur DIY ngajab, Festival Anak Sholeh mboten namung kangge silahturahmi kemawon, nanging ugi saged minangka sarana kangge mangertosi bakatipun para santri.
Lumantar krida Festival Anak Sholeh tataran Propinsi DIY punika, para santri kaajab tumemen anggenipun nedahaken kesagedanipun. Lan menggahipun pasarta ingkang sasab badhe kapilih makili DIY salebeting Festival Anak Soleh tataran Nasional, ing wulan September ngajeng.
Salebeting Festival Anak Sholeh Indonesia punika, wonten 22 cabang lomba, lan badhe dipun pilih 57 santri ingkang badhe majeng makili Festival Anak Sholeh ing tingkat Nasional.
Hari Atmaja-Arif
