Ngayogyakarta, www.jogjatv.tv - Dinten Minggu enjing(10/4), 100 pasarta, tumut Lomba Jemparingan tataran nasional, ing Alun Alun Ler Ngayogyakarta. Salebeting lomba jemparingan kasebat, sedaya pasarta ngangge busana adat daerah laras kaliyan daerahipun piyambak-piyambak. Kejawi punika, lampahing lomba boten namung dipun sengkuyung dening warga lokal kemawon, ananging ugi dipun sengkuyung dening warga mancanegari.
Makaten kridaning para pasarta nalika tumut lomba jemparingan, ingkang dipun adani ing Alun-Alun Ler Kraton Ngayogyakarta. Sedaya pasarta katingal tumemen anggenipun olah kridha jemparingan.
Kejawi dipun sengkuyung dening kaum priya, lomba jemparingan kasebat ugi dipun sengkuyung dening kaum wanita, ingkang ugi ngangge busana adat. Para pasarta wanita katingal prigel kridha jemparingan kados dene Srikandhi. Kejawi punika, wisatawan mancanegari ugi wonten ingkang tumut nyengkuyung lomba jemparingan kasebat. Miturut Ketua Perpanahan Indonesia, Perpani Provinsi DIY, KRT.Darmo Dipuro, lomba jemparingan punika nengenaken gagrag Mataraman. Awit saking punika, sedaya pasarta dipun kedahaken ngangge busana adat ingkang sampun dipun cawisaken dening pehak panitia.
Lomba jemparingan tataran nasional punika, sampun asring dipun adani makaping kaping. Emanipun, masyarakat Ngayogyakarta katingal dereng kathah ingkang remen dhateng cabang olahraga punika. Satemah para pasarta lomba jemparingan racakipun asal saking sawetawis wewengkon Jawa Tengah dan Jawa Timur.
Hari Atmaja- Arif
Makaten kridaning para pasarta nalika tumut lomba jemparingan, ingkang dipun adani ing Alun-Alun Ler Kraton Ngayogyakarta. Sedaya pasarta katingal tumemen anggenipun olah kridha jemparingan.
Kejawi dipun sengkuyung dening kaum priya, lomba jemparingan kasebat ugi dipun sengkuyung dening kaum wanita, ingkang ugi ngangge busana adat. Para pasarta wanita katingal prigel kridha jemparingan kados dene Srikandhi. Kejawi punika, wisatawan mancanegari ugi wonten ingkang tumut nyengkuyung lomba jemparingan kasebat. Miturut Ketua Perpanahan Indonesia, Perpani Provinsi DIY, KRT.Darmo Dipuro, lomba jemparingan punika nengenaken gagrag Mataraman. Awit saking punika, sedaya pasarta dipun kedahaken ngangge busana adat ingkang sampun dipun cawisaken dening pehak panitia.
Lomba jemparingan tataran nasional punika, sampun asring dipun adani makaping kaping. Emanipun, masyarakat Ngayogyakarta katingal dereng kathah ingkang remen dhateng cabang olahraga punika. Satemah para pasarta lomba jemparingan racakipun asal saking sawetawis wewengkon Jawa Tengah dan Jawa Timur.
Hari Atmaja- Arif
