Klaten, www.jogjatv.tv - Winatesipun kawigatosan pemerintah dhateng seni ringgit, nuwuhaken prihatos ing kalanganipun para seniman. Musafiq, satunggaling pelukis ringgit beber lan pawukon, asal Klaten, Jawa Tengah ngajab dhateng generasi panerus supados purun sinau seni tradisi nuswantara, satemah boten kasilep dening ngrembakaning jaman.
Seni lukis ringgit beber lan pawukon, samangke sampun awis-awis dipun panggihaken. Kepara dipun kuwatosaken seni ringgit beber badhe sirna kasilep dening pangrembakaning jaman. Musafiq, satunggaling pelukis ringgit beber ing Klaten, Jawa Tengah mratelakaken, sinaosa rekaos ananging piyambakipun tetep kupiya nglestantunaken seni ringgit beber lan pawukon. Ing griyanipun ingkang dumunung ing Desa Belangwetan, Kecamatan Klaten Utara, Musafiq nekuni pakaryanipun kanthi pangajab supados para generasi panerus purun sinau seni lukis ringgit beber.
Winatesipun kawigatosan pemerintah dhateng para seniman dipun kuwatosaken saged nglunturaken seni tradisi. Musafiq ngajab dhateng pemerintah supados paring bantuan redana kangge ngrembakakaken seni lan budaya. Awit seni mujudaken piranti kangge manunggalaken bangsa ingkang kiyat.
Tim Liputan
Seni lukis ringgit beber lan pawukon, samangke sampun awis-awis dipun panggihaken. Kepara dipun kuwatosaken seni ringgit beber badhe sirna kasilep dening pangrembakaning jaman. Musafiq, satunggaling pelukis ringgit beber ing Klaten, Jawa Tengah mratelakaken, sinaosa rekaos ananging piyambakipun tetep kupiya nglestantunaken seni ringgit beber lan pawukon. Ing griyanipun ingkang dumunung ing Desa Belangwetan, Kecamatan Klaten Utara, Musafiq nekuni pakaryanipun kanthi pangajab supados para generasi panerus purun sinau seni lukis ringgit beber.
Winatesipun kawigatosan pemerintah dhateng para seniman dipun kuwatosaken saged nglunturaken seni tradisi. Musafiq ngajab dhateng pemerintah supados paring bantuan redana kangge ngrembakakaken seni lan budaya. Awit seni mujudaken piranti kangge manunggalaken bangsa ingkang kiyat.
Tim Liputan
