Magelang, www.jogjatv.tv - Kurdaning Redi Merapi sawetawis wekdal kapengker, nuwuhaken kapitunan menggahing warga Desa Seloboro, Kecamatan Salam, Magelang. Kajawi nrajang griyaning warga, sawetawis taneman pertanian ugi risak katrajang bena ladhu. Sinaoasa makaten, sawetawis warga Seloboro, samangke sampun wiwit panen lombok.
Sawetawis petani lombok ing Desa Seloboro, Kecamatan Salam, Magelang ingkang mujudaken korban kurdaning Redi Merapi, samangke sampun saged panen lombok. Satunggaling kadang tani, Mujiarjo nelakaken, sinaosa sawetawis wekdal kapengker sabinipun kurugan awu lan katerak ama, nanging samangke taksih saged panen lombok. Samangke sampun ngancik pethik lombok ingkang kaping 9. Lan saben panen ngasilaken 50 kg lombok.
Samangke petani lombok sami pisambat awit mandhapipun regi lombok. Menawi sakawit regining lombok Rp. 10.000,- saben kilonipun, samangke reginipun mandhap dados Rp. 8.000,- saben kilonipun. Petani lombok ngajab, regining lombok ing pekenan saged pulih malih.
Gama-Lala-Hari Atmaja
Sawetawis petani lombok ing Desa Seloboro, Kecamatan Salam, Magelang ingkang mujudaken korban kurdaning Redi Merapi, samangke sampun saged panen lombok. Satunggaling kadang tani, Mujiarjo nelakaken, sinaosa sawetawis wekdal kapengker sabinipun kurugan awu lan katerak ama, nanging samangke taksih saged panen lombok. Samangke sampun ngancik pethik lombok ingkang kaping 9. Lan saben panen ngasilaken 50 kg lombok.
Samangke petani lombok sami pisambat awit mandhapipun regi lombok. Menawi sakawit regining lombok Rp. 10.000,- saben kilonipun, samangke reginipun mandhap dados Rp. 8.000,- saben kilonipun. Petani lombok ngajab, regining lombok ing pekenan saged pulih malih.
Gama-Lala-Hari Atmaja
