Sleman, www.jogjatv.tv - Kurdaning Redi Merapi ingkang nrajang Desa Argomulyo, Kecamatan Cangkringan, Sleman, njalari Desa Argomulyo sakelangkung risak. Kejawi punika, lampahing merti desa ingkang ajeg dipun adani warga, ugi nemahi pepalang. Kangge mbangun malih Desa Argomulyo, mahasiswa KKN UGM ngadani Dialog Desa Budaya Argomulyo.
Kanthi mapan ing Balai Desa Argomulyo, Cangkringan, Sleman, Kemis sonten(14/3), Mahasiswa KKN PPM Unit IV Universitas Gadjah Mada, ngadani Dialog Desa Budaya Argomulyo. Ing kalodhanga kasebat, Bugiswanto, ingkang ugi pamigatos desa budaya ngakeni, kurdaning Redi Merapi njalari Desa Argomulyo ingkang sakawit ajeg ngadani upacara merti desa ing saben taun, samangke lajeng kapepalang. Kanthi makaten, pemerintah Kabupaten Sleman kaajab tumut mbiyantu mbangun Desa Argomulyo, sarta paring pembinaan dhateng warga Desa Argomulyo.
Bugiswanto ugi mratelakaken, kurdaning Redi Merapi ingkang nrajang wewengkon perenging Redi Merapi, njalari sawetawis desa ing wewengkon kasebat boten saged dipun dayakaken. Boten namung Desa Argomulyo kemawon, ananging ugi desa-desa sanesipun. Kejawi punika, Ketua Panitia Dialog, Ahdi Ahmad Fajri ngajab dialog kasebat badhe saged ngasilaken putusan kangge nggesangaken malih Desa Argomulyo minangka desa budaya. Satemah laladan pariwisata ing Sleman saged langkung ngrembaka.
Heri Susanto
Kanthi mapan ing Balai Desa Argomulyo, Cangkringan, Sleman, Kemis sonten(14/3), Mahasiswa KKN PPM Unit IV Universitas Gadjah Mada, ngadani Dialog Desa Budaya Argomulyo. Ing kalodhanga kasebat, Bugiswanto, ingkang ugi pamigatos desa budaya ngakeni, kurdaning Redi Merapi njalari Desa Argomulyo ingkang sakawit ajeg ngadani upacara merti desa ing saben taun, samangke lajeng kapepalang. Kanthi makaten, pemerintah Kabupaten Sleman kaajab tumut mbiyantu mbangun Desa Argomulyo, sarta paring pembinaan dhateng warga Desa Argomulyo.
Bugiswanto ugi mratelakaken, kurdaning Redi Merapi ingkang nrajang wewengkon perenging Redi Merapi, njalari sawetawis desa ing wewengkon kasebat boten saged dipun dayakaken. Boten namung Desa Argomulyo kemawon, ananging ugi desa-desa sanesipun. Kejawi punika, Ketua Panitia Dialog, Ahdi Ahmad Fajri ngajab dialog kasebat badhe saged ngasilaken putusan kangge nggesangaken malih Desa Argomulyo minangka desa budaya. Satemah laladan pariwisata ing Sleman saged langkung ngrembaka.
Heri Susanto
