Ngayogyakarta, www.jogjatv.tv - Penganggep bilih Anak Berkebutuhan Khusus, ABK utawi difabel namung dados sesangganing tiyang sepuh, pranyata klentu. Samangke sampun kathah program pemberdayaan kangge ABK, inggih ing sektor formal punapa dene informal. Lampah pembinaan lan pemberdayaan formal menggahing siswa berkebutuhan khusus, salah satunggalipun dipun lampahaken dening SLB Negeri Pembina Yogyakarta, lumantar bengkel-bengkel kerja ingkang ngasilaken maneka jinis kerajinan, ingkang ageng pangaosipun.
Sinten ingkang nyana bilih kerajinan ingkang mranani punika, wohing pakaryanipun para Siswa SLB Negeri Pembina Yogyakarta. Lumantar bimbingan lan program pembinaan ingkang gumathok, lare lare difabel kasil dipun dayakaken minangka perajin ingkang mumpuni, trep kaliyan krenteg lan kesagetanipun piyambak piyambak. Kadosta ndamel kerajinan kajeng, keramik, tekstil bathik, paes, tata busana lan kuliner. Ing SLB Negeri Pembina Yogyakarta, ingkang siswanipun mligi ABK Tuna Grahita lan Autis, para siswa wiwit saking TK ngantos SMA, dipun dayakaken kalantipanipun, dhateng kridha ingkang nengenaken kejuruan utawi ketrampilan. Wiwit SMP siswa dipun bimbing dening para guru, kangge nemtokaken jurusan miturut kaprigelanipun piyambak-piyambak. Kejawi punika, siswa ugi nampi materi praktikum keterampilan 40% persen, lan teori 60%. Ing tataran SMA, pratekipun saya kathah, inggih 70%, teorinipun namung 30%. Ing tataran SMA wekdalipun dipun dayakaken ing bengkel-bengkel kerja, kadosta bengkel busana, bengkel kajeng lan bengkel keramik, sarta otomotif. Wondene tumrap siswa ingkang gadhah bakat mirunggan, dipun arahaken dhateng ketrampilan bidang Informasi Teknologi utawi IT.
Siswa ABK badhe tansah nengenaken asil pakaryanipun, sadangunipun pakaryan ingkang dipun lampahaken laras kaliyan karemenanipun. Awit saking punika pakaryan ingkang dipun asilaken langkung sae mutunipun. Maneka pakaryan ingkang dipun asilaken dening para diifabel pranyata boten kawon sae menawi katandhingaken kaliyan produk-produk komersil. Ningali kasunyatan punika prayogi badhe kawawas wicaksana menawi boten ngremehaken para difabel. Awit difabel pranyata ugi gadhah hak ingkang sami kadosdene warga sanesipun.
Edna-Fina
Sinten ingkang nyana bilih kerajinan ingkang mranani punika, wohing pakaryanipun para Siswa SLB Negeri Pembina Yogyakarta. Lumantar bimbingan lan program pembinaan ingkang gumathok, lare lare difabel kasil dipun dayakaken minangka perajin ingkang mumpuni, trep kaliyan krenteg lan kesagetanipun piyambak piyambak. Kadosta ndamel kerajinan kajeng, keramik, tekstil bathik, paes, tata busana lan kuliner. Ing SLB Negeri Pembina Yogyakarta, ingkang siswanipun mligi ABK Tuna Grahita lan Autis, para siswa wiwit saking TK ngantos SMA, dipun dayakaken kalantipanipun, dhateng kridha ingkang nengenaken kejuruan utawi ketrampilan. Wiwit SMP siswa dipun bimbing dening para guru, kangge nemtokaken jurusan miturut kaprigelanipun piyambak-piyambak. Kejawi punika, siswa ugi nampi materi praktikum keterampilan 40% persen, lan teori 60%. Ing tataran SMA, pratekipun saya kathah, inggih 70%, teorinipun namung 30%. Ing tataran SMA wekdalipun dipun dayakaken ing bengkel-bengkel kerja, kadosta bengkel busana, bengkel kajeng lan bengkel keramik, sarta otomotif. Wondene tumrap siswa ingkang gadhah bakat mirunggan, dipun arahaken dhateng ketrampilan bidang Informasi Teknologi utawi IT.
Siswa ABK badhe tansah nengenaken asil pakaryanipun, sadangunipun pakaryan ingkang dipun lampahaken laras kaliyan karemenanipun. Awit saking punika pakaryan ingkang dipun asilaken langkung sae mutunipun. Maneka pakaryan ingkang dipun asilaken dening para diifabel pranyata boten kawon sae menawi katandhingaken kaliyan produk-produk komersil. Ningali kasunyatan punika prayogi badhe kawawas wicaksana menawi boten ngremehaken para difabel. Awit difabel pranyata ugi gadhah hak ingkang sami kadosdene warga sanesipun.
Edna-Fina
