Ngayogyakarta, www.jogjatv.tv - Gantosing iklim ingkang dumados ing saindening donya, nuwuhaken kuwatos awit dipun dugi saged ngandhapaken produksi pangan ing Indonesia. Menawi pemerintah punapa dene masyarakat boten tumut cawe-cawe kangge ngekahi ketahanan pangan, pramila dipun kuwatosaken Indonesia badhe langkung dangu anggenipun impor pangan saking negari sanes.
Taun 2011 punika, Kementrian Pertanian ngangkah asiling panen pantun saged mindhak 4,5% saking rata-rata asil panen ingkang nggayuh 70 yuta ton gabah ing saben taunipun. Sinaosa ing sawetawis tlatah ing Indonesia, taneman pantun kathah ingkang keblabak bena, ananging pehakipun pitados asiling panen pantun badhe sae. Sinaosa makaten, gantosing iklim ingkang njalari mratahipun uler, tetela nuwuhaken kawigatosan mirungan. Kejawi punika, Kementrian Pertanian ugi tansah nyemak pasar internasional, mliginipun ing negari-negari agraris, ingkang nelakaken bilih asiling panenan suda.
Sinaosa dereng dipun betahaken sanget, ananging kangge njagi ketahanan pangan lan njagi cumawisipun pangan ing Indonesia, pemerintah tetep badhe impor pangan saking negari sanes.
Ernita-Andri Yulianto
Taun 2011 punika, Kementrian Pertanian ngangkah asiling panen pantun saged mindhak 4,5% saking rata-rata asil panen ingkang nggayuh 70 yuta ton gabah ing saben taunipun. Sinaosa ing sawetawis tlatah ing Indonesia, taneman pantun kathah ingkang keblabak bena, ananging pehakipun pitados asiling panen pantun badhe sae. Sinaosa makaten, gantosing iklim ingkang njalari mratahipun uler, tetela nuwuhaken kawigatosan mirungan. Kejawi punika, Kementrian Pertanian ugi tansah nyemak pasar internasional, mliginipun ing negari-negari agraris, ingkang nelakaken bilih asiling panenan suda.
Sinaosa dereng dipun betahaken sanget, ananging kangge njagi ketahanan pangan lan njagi cumawisipun pangan ing Indonesia, pemerintah tetep badhe impor pangan saking negari sanes.
Ernita-Andri Yulianto
