Sleman, www.jogjatv.tv - Ndungkap lampahing Ujian Nasional, sawetawis SD, SMP, SMA lan SMK ing Sleman, nglampahaken cecawisan kangge ngadhepi ujian. Kadosta ingkang dipun lampahaken SMP Negeri I Minggir Sleman, ingkang nambah jam pelajaran sarta ngadani latihan ujian kangge para siswanipun.
Sinaosa salebeting Ujian Nasional ing taun punika, syarat kelulusanipun langkung gampil tinimbang taun kapengker, ananging ndungkap UNAS taun samangke, sawetawis sekolah ing Sleman cecawisan kangge ngadhepi lampahing Ujian Nasional. Kadosta ingkang dipun lampahaken SMP Negeri I Minggir Sleman. Kangge ngadhepi UNAS, SMP Negeri I Minggir Sleman nambah jam pelajaran kangge siswa kelas III. Kejawi punika ugi ngadani latihan kangge nggarab soal ujian, kanthi pangajab sedaya siswa saged lulus kanthi biji ingkang maremaken.
Miturut Kepala SMP Negeri I Minggir Sleman Sugiyarto, asringipun ngadani latihan ujian saderengipun UNAS, awit salebeting UNAS taun samangke, SMP Negeri I Minggir Sleman boten namung ngangkah siswanipun lulus 100 persen. Ananging ugi ngangkah sedaya siswanipun saged nggayuh biji rata-rata sekedhikipun 8,0.
Sugiyarto ugi ngandharaken, latihan ujian katujokaken kangge ngrembakakaken prestasi SMP Negeri I Minggir Sleman. Menawi sakawit SMP Negeri I Minggir Sleman namung nggayuh ranking 20, ananging salebeting tes penjajakan mutu sawetawis wekdal kapengker, SMP Negeri I Minggir Sleman kasil nggayuh rangking 7 saking 124 SMP ingkang wonten Sleman.
Subardi
Sinaosa salebeting Ujian Nasional ing taun punika, syarat kelulusanipun langkung gampil tinimbang taun kapengker, ananging ndungkap UNAS taun samangke, sawetawis sekolah ing Sleman cecawisan kangge ngadhepi lampahing Ujian Nasional. Kadosta ingkang dipun lampahaken SMP Negeri I Minggir Sleman. Kangge ngadhepi UNAS, SMP Negeri I Minggir Sleman nambah jam pelajaran kangge siswa kelas III. Kejawi punika ugi ngadani latihan kangge nggarab soal ujian, kanthi pangajab sedaya siswa saged lulus kanthi biji ingkang maremaken.
Miturut Kepala SMP Negeri I Minggir Sleman Sugiyarto, asringipun ngadani latihan ujian saderengipun UNAS, awit salebeting UNAS taun samangke, SMP Negeri I Minggir Sleman boten namung ngangkah siswanipun lulus 100 persen. Ananging ugi ngangkah sedaya siswanipun saged nggayuh biji rata-rata sekedhikipun 8,0.
Sugiyarto ugi ngandharaken, latihan ujian katujokaken kangge ngrembakakaken prestasi SMP Negeri I Minggir Sleman. Menawi sakawit SMP Negeri I Minggir Sleman namung nggayuh ranking 20, ananging salebeting tes penjajakan mutu sawetawis wekdal kapengker, SMP Negeri I Minggir Sleman kasil nggayuh rangking 7 saking 124 SMP ingkang wonten Sleman.
Subardi
