Gunungkidul, www.jogjatv.tv - Ndungkap Ujian Nasional ing dinten Senen ngajeng(18/4), SMK Negeri I Saptosari, Gunungkidul ngerigaken Tim Kesehatan kangge mriksa kasaranipun para siswa ingkang badhe tumut Ujian Nasional. Para siswa kaajab badhe langkung samekta ngadhepi Ujian Nasional, satemah saged pikantuk biji ingkang sae.
161 siswa SMK Negeri I Saptosari, Gunungkidul, dinten Jemuah enjing(15/4), nglampahi priksa kasarasan, ingkang dipun tindakaken dening Tim Kesehatan Puskesmas Saptosari. Para siswa dipun priksa kasarasanipun setunggal mbaka setunggal, ingkang nyakup kasarasan umum, kasarasan waos lan kajiwanipun. Saking asiling priksa kasarasan kasebat, racakipun para siswa nandhang sakit mumet. Lan ing kalodhangan wau, para siswa ugi dipun paringi obat lan vitamin, supados badanipun langkung kiyat.
Kepala Sekolah SMKN Negri I Saptosari, Purwoko Lembono mratelakaken, kridha mriksa kasarasanipun para siswa ingkang badhe tumut Ujian Nasional, nembe sepisan punika dipun lampahaken. Lumantar kupiya punika, para siswa kaajab badhe langkung samekta anggenipun ngadhepi Ujian Nasional, satemah saged pikantuk biji ingkang sae.
Kejawi punika, ing kalodhangan kasebat Tim Kesehatan Puskesmas Saptosari ugi suka penyuluhan dhateng para siswa magepokan bab kasarasan badan.
Candra Saputra
161 siswa SMK Negeri I Saptosari, Gunungkidul, dinten Jemuah enjing(15/4), nglampahi priksa kasarasan, ingkang dipun tindakaken dening Tim Kesehatan Puskesmas Saptosari. Para siswa dipun priksa kasarasanipun setunggal mbaka setunggal, ingkang nyakup kasarasan umum, kasarasan waos lan kajiwanipun. Saking asiling priksa kasarasan kasebat, racakipun para siswa nandhang sakit mumet. Lan ing kalodhangan wau, para siswa ugi dipun paringi obat lan vitamin, supados badanipun langkung kiyat.
Kepala Sekolah SMKN Negri I Saptosari, Purwoko Lembono mratelakaken, kridha mriksa kasarasanipun para siswa ingkang badhe tumut Ujian Nasional, nembe sepisan punika dipun lampahaken. Lumantar kupiya punika, para siswa kaajab badhe langkung samekta anggenipun ngadhepi Ujian Nasional, satemah saged pikantuk biji ingkang sae.
Kejawi punika, ing kalodhangan kasebat Tim Kesehatan Puskesmas Saptosari ugi suka penyuluhan dhateng para siswa magepokan bab kasarasan badan.
Candra Saputra
