Kulonprogo, www.jogjatv.tv - Siswa kelas XII SMA Bopkri I Wates, dinten Senen kala wingi(18/4), tumut Ujian Nasional ing SMA I Wates. Awit cacahing siswa kelas XII SMA Bopkri I Wates kirang saking 20, pramila miturut pranatan ingkang sampun dipun tetepaken dening Dinas Pendidikan, kangge lampahing Ujian Nasional kedah gabung kaliyan sekolah sanes.
Para siswa kelas XII SMA Bopkri I Wates, anggenipun Ujian Nasional kedah gabung kaliyan SMA I Wates, jalaran cacahing siswa kelas XII SMA Bopkri I Wates kirang saking 20. Sinaosa kirang tentrem, nanging 7 siswa kasebat, tetep tumemen anggenipun nggarap soal ujian. Kepala Sekolah Bopkri I Wates, Sumali mratelakaken, menawi wonten sekolah ingkang siswanipun kirang saking 20, pramila sekolah kasebat kedah gabung kaliyan sekolah sanesipun. Ing tahun punika siswa kelas XII SMA Bopkri I Wates, namung cacah tiyang 7, tahun kapengker ugi namung 13 siswa, pramila kangge Ujian Nasional kedah gabung kaliyan sekolah sanes.
Bab sami ugi dumados ing SMA Muhammadiyah, Madrasah Aliyah Darul Ulum Galur, ingkang dipun gabung kaliyan SMA Negeri I Galur. Salebeting Ujian Nasional siswa kedah netepi pranatan, kadosta mboten pareng mbeta HP, tas, helm, buku pelajaran dipun selehaken ing njawi kelas, supados mboten nuwuhaken raos cubriya. Pengawas ugi mboten dipun keparengaken ngasta HP, lan buku waosan nalika ngawasi ujian. Pangajabipun, ing tahun punika sedaya siswa saged nggarap soal ujian kanthi sae, lan asilipun ugi maremaken.
Muhammad Sugeng
Para siswa kelas XII SMA Bopkri I Wates, anggenipun Ujian Nasional kedah gabung kaliyan SMA I Wates, jalaran cacahing siswa kelas XII SMA Bopkri I Wates kirang saking 20. Sinaosa kirang tentrem, nanging 7 siswa kasebat, tetep tumemen anggenipun nggarap soal ujian. Kepala Sekolah Bopkri I Wates, Sumali mratelakaken, menawi wonten sekolah ingkang siswanipun kirang saking 20, pramila sekolah kasebat kedah gabung kaliyan sekolah sanesipun. Ing tahun punika siswa kelas XII SMA Bopkri I Wates, namung cacah tiyang 7, tahun kapengker ugi namung 13 siswa, pramila kangge Ujian Nasional kedah gabung kaliyan sekolah sanes.
Bab sami ugi dumados ing SMA Muhammadiyah, Madrasah Aliyah Darul Ulum Galur, ingkang dipun gabung kaliyan SMA Negeri I Galur. Salebeting Ujian Nasional siswa kedah netepi pranatan, kadosta mboten pareng mbeta HP, tas, helm, buku pelajaran dipun selehaken ing njawi kelas, supados mboten nuwuhaken raos cubriya. Pengawas ugi mboten dipun keparengaken ngasta HP, lan buku waosan nalika ngawasi ujian. Pangajabipun, ing tahun punika sedaya siswa saged nggarap soal ujian kanthi sae, lan asilipun ugi maremaken.
Muhammad Sugeng
