Gunungkidul, www.jogjatv.tv - Satunggaling warga Dhusun Jeruk Legi, Desa Katongan, Kecamatan Nglipar, Gunungkidul, nandhang sesakit langka, ingkang njalari saluran grana lan pernapasanipun mboten normal. Ngantos samangke dokter dereng saged mangertosi jinis sesakit kasebat. Wondene kulawarganipun mboten gadhah wragat kangge lampah usada.
Suroyo ingkang umuripun 28 taun, katingal lemes, ing satunggaling bed RSUD Wonosari, Gunungkidul. Suroyo dipun diagnosis dokter nandhang sesakit langka. Pasuryanipun sisih kiwa katingal cemeng, lan ing grananipun wonten warni soklat. Miturut Yuli Susanti, semahipun Suroyo, sakawit Suroyo makarya minangka berah pabrik ing Ngawen, lan dipun telakaken nemahi gangguan polip. Dening satunggaling dokter spesialis THT Polip ing Kecamatan Semanu, waosipun Suroyo sisih ngandhap kedah dipun jabut. Nanging sasampunipun waosipun dipun jabut, tutukipun dados abuh. Samangke grana, lan saluran pernapasan Suroyo mboten normal. Satemah menawi ngunjuk lan dhahar mboten dipun mamah.
Sawetawis wekdal kapengker, Suroyo dipun upakawis ing Rumah Sakit Dokter Sardjito. Miturut diagnosis dokter, Suroyo dipun dugi nandhang kanker ganas, nanging dokter dereng saged nyebataken kanthi cetha, sesakit punapa ingkang dipun sandhang Suroyo. Jalaran mboten gadhah wragat, Suroyo ngajab bantuwan saking para dermawan, kangge mbiyantu usadanipun, supados Suroyo saged makarya malih, kangge nyekapi kabetahan kulawarganipun.
Chandra Saputro
Suroyo ingkang umuripun 28 taun, katingal lemes, ing satunggaling bed RSUD Wonosari, Gunungkidul. Suroyo dipun diagnosis dokter nandhang sesakit langka. Pasuryanipun sisih kiwa katingal cemeng, lan ing grananipun wonten warni soklat. Miturut Yuli Susanti, semahipun Suroyo, sakawit Suroyo makarya minangka berah pabrik ing Ngawen, lan dipun telakaken nemahi gangguan polip. Dening satunggaling dokter spesialis THT Polip ing Kecamatan Semanu, waosipun Suroyo sisih ngandhap kedah dipun jabut. Nanging sasampunipun waosipun dipun jabut, tutukipun dados abuh. Samangke grana, lan saluran pernapasan Suroyo mboten normal. Satemah menawi ngunjuk lan dhahar mboten dipun mamah.
Sawetawis wekdal kapengker, Suroyo dipun upakawis ing Rumah Sakit Dokter Sardjito. Miturut diagnosis dokter, Suroyo dipun dugi nandhang kanker ganas, nanging dokter dereng saged nyebataken kanthi cetha, sesakit punapa ingkang dipun sandhang Suroyo. Jalaran mboten gadhah wragat, Suroyo ngajab bantuwan saking para dermawan, kangge mbiyantu usadanipun, supados Suroyo saged makarya malih, kangge nyekapi kabetahan kulawarganipun.
Chandra Saputro
