Ngayogyakarta, www.jogjatv.tv - Namung sekedhik nem neman ingkang saged nabuh gangsa. Kepara sawetawis nem neman nganggep bilih gangsa mboten trep kangge wiranem. Nanging bab kasebat dipun duwa dening satunggaling Kelompok Mahasiswa Universitas Atmajaya Yogyakarta, saklebeting Pentas Harmoni Gamelan mapan ing Taman Budaya Yogyakarta, malem Selasa kala wingi(18/4).
Pentas Harmoni Gamelan ingkang dipun gelar malem Selasa kala wingi(18/4), mapan ing Gedung Societet Taman Budaya Yogyakarta, mujudaken wohing pakaryanipun Teater Lilin Universitas Atmajaya Yogyakarta, kangge mahargya ambalwarsanipun ingkang kaping 21. Kanthi dipun pandhegani dening Komposer Sukisno, nem neman punika mitontonaken harmoni saking saben piranti gangsa ingkang dipun tabuh saklebeting pagelaran ingkang mranani, sesirah “Gamelan Tanpa Batas”. Bab punika dipun tegesi minangka wujud katresnanipun dateng piranti musik tradisional Jawi, ingkang asring dipun kiwakaken dening sawetawis nem neman.
Teater Lilin mujudaken Unit Kegiatan Mahasiswa Universitas Atmajaya Yogyakarta, ing bidang seni peran, tari lan musik. Mligi kangge karawitan, kelompok punika ajeg gladhen ing kampus seminggu kaping 2. Elokipun warganing kelompok karawitan kasebat, racak para mahasiswa saking sakjawining rangkah, ingkang gadhah krenteg nglestantunaken gangsa minangka budaya asli Indonesia.
Hery Poern
Pentas Harmoni Gamelan ingkang dipun gelar malem Selasa kala wingi(18/4), mapan ing Gedung Societet Taman Budaya Yogyakarta, mujudaken wohing pakaryanipun Teater Lilin Universitas Atmajaya Yogyakarta, kangge mahargya ambalwarsanipun ingkang kaping 21. Kanthi dipun pandhegani dening Komposer Sukisno, nem neman punika mitontonaken harmoni saking saben piranti gangsa ingkang dipun tabuh saklebeting pagelaran ingkang mranani, sesirah “Gamelan Tanpa Batas”. Bab punika dipun tegesi minangka wujud katresnanipun dateng piranti musik tradisional Jawi, ingkang asring dipun kiwakaken dening sawetawis nem neman.
Teater Lilin mujudaken Unit Kegiatan Mahasiswa Universitas Atmajaya Yogyakarta, ing bidang seni peran, tari lan musik. Mligi kangge karawitan, kelompok punika ajeg gladhen ing kampus seminggu kaping 2. Elokipun warganing kelompok karawitan kasebat, racak para mahasiswa saking sakjawining rangkah, ingkang gadhah krenteg nglestantunaken gangsa minangka budaya asli Indonesia.
Hery Poern
