Surakarta, www.jogjatv.tv - Sawetawis kupiya dipun lampahaken kangge suka panjurung dhateng para siswa ingkang saweg ngadhepi Ujian Nasional. Kadosta ingkang dipun lampahaken dening siswa ing salah satunggaling SMA ing Surakarta, Jawa Tengah, dinten Senen enjing(18/4). Siswa mbekta poster, kanthi sawetawis seratan ngginakaken basa saking sawetawis nagari, nyuraosaken panjurung dhateng siswa supados tumemen anggenipun nglampahi Ujian Nasional.
Awratipun sesanggan ngadhepi Ujian Nasional, tetela nuwuhaken raos prihatos lan kawigatosan mirunggan saking sawetawis siswa SMA ing Kitha Surakarta, Jawa Tengah. Wontenipun raos kuwatos menawi mboten lulus Ujian Nasional njalari siswa nganggep bilih Ujian Nasional dados bab ingkang ngajrih ajrihi. Awit saking punika, sawetawis siswa ing MAN I Surakarta suka panjurung lan nggugah greget, dhateng kakak kelas-ipun. Kridha dipun lampahaken kanthi mbekta poster ingkang ngemot suraos panjurung, kanthi ngginakaken basa saking sawetawis nagari.
13.974 siswa SMA lan SMK ing Surakarta, Jawa Tengah, tumut Ujian Nasional wiwit dinten Senen kala wingi(18/4). Ujian Nasional badhe dipun adani 3 dinten dangunipun.
Faqih
Awratipun sesanggan ngadhepi Ujian Nasional, tetela nuwuhaken raos prihatos lan kawigatosan mirunggan saking sawetawis siswa SMA ing Kitha Surakarta, Jawa Tengah. Wontenipun raos kuwatos menawi mboten lulus Ujian Nasional njalari siswa nganggep bilih Ujian Nasional dados bab ingkang ngajrih ajrihi. Awit saking punika, sawetawis siswa ing MAN I Surakarta suka panjurung lan nggugah greget, dhateng kakak kelas-ipun. Kridha dipun lampahaken kanthi mbekta poster ingkang ngemot suraos panjurung, kanthi ngginakaken basa saking sawetawis nagari.
13.974 siswa SMA lan SMK ing Surakarta, Jawa Tengah, tumut Ujian Nasional wiwit dinten Senen kala wingi(18/4). Ujian Nasional badhe dipun adani 3 dinten dangunipun.
Faqih
