Sleman, www.jogjatv.tv - Atusan Polisi Wanita, Polwan lan wanita TNI sa DIY, dinten Selasa enjing(19/4), nglampahaken reboisasi pereng Redi Merapi ing Dhusun Srunen, Glagaharjo, Sleman. Kridha punika ngiras kangge mengeti Hari Kartini ing tanggal 21 April 2011.
Kasi Adovi Direktorat Pendidikan AAU, Mayor Wara Ika Harwati mratelakaken, Hari Kartini dados kalodhangan wekdal tumrap wanita kangge gumregah. Pramila salebeting pengetan Hari Kartini samangke, Polwan lan wanita TNI sa - DIY kepengin mbiyantu warga pereng Merapi kanthi lampah reboisasi.
Ika ugi mratelakaken, wonten watawis 750 bibit taneman ingkang dipun cawisaken, ing antawisipun inggih punika pelem, jati lan duren, ingkang dipun tanem ing pasiten ingkang wiyaripun 6 hektar wewengkon Dusun Srunen. Ika ngajab, tanaman kasebat tembenipun saged tuwuh ngrembaka, lan migunani tumrap warga ing sakiwa tengen, inggih ing babagan ekonomi punapadene geografis.
Heri Susanto
Kasi Adovi Direktorat Pendidikan AAU, Mayor Wara Ika Harwati mratelakaken, Hari Kartini dados kalodhangan wekdal tumrap wanita kangge gumregah. Pramila salebeting pengetan Hari Kartini samangke, Polwan lan wanita TNI sa - DIY kepengin mbiyantu warga pereng Merapi kanthi lampah reboisasi.
Ika ugi mratelakaken, wonten watawis 750 bibit taneman ingkang dipun cawisaken, ing antawisipun inggih punika pelem, jati lan duren, ingkang dipun tanem ing pasiten ingkang wiyaripun 6 hektar wewengkon Dusun Srunen. Ika ngajab, tanaman kasebat tembenipun saged tuwuh ngrembaka, lan migunani tumrap warga ing sakiwa tengen, inggih ing babagan ekonomi punapadene geografis.
Heri Susanto
