Bantul, www.jogjatv.tv - Saya winatesipun pasabinan ing Kabupaten Bantul, njalari asiling panen pantun suda kathah. Awit saking punika gantosing piguna pasiten olah tetanen kedah dipun watesi, sarta ugi nglampahaken intensifikasi varietas pantun. Pantun ingkang dipun tanem dening petani, mutu lan produktifitasipun kedah sae sarta takat paneraking ama.
Bab kasebat dipun telakaken dening Wakil Bupati Bantul, Sumarno, sasampunipun nindakaken panen raya pantun varietas Inpari 2, 3, 4, 6 lan 8 ing Bulak Pangkah, Sumberagung, Jetis, Bantul. Kangge ngawekani saya winatesipun pasabinan, mliginipun kangge nanem pantun, petani kedah gadhah seserepan bab jinis varitas pantun ingkang sae. Pantun Inpari ingkang dipun panen ing Bulak Pangkah, ngasilaken Gabah Kering Panen, GKP 8,8 ton ing saben hektaripun. Produktivitas kasebat langkung kathah tinimbang Rata rata GKP Kabupaten Bantul, ingkang namung 7,6 ton saben hektar. Asil punika badhe dipun tanjakaken dening petani kangge ngrembakakaken varietas Inpari ing wewengkonipun.
Widarno, Ketua Kelompok Tani Ngudi Makmur Pangkah mratelakaken, awit lampah Percontohan Demplot pantun inpari punika kawawas kasil, pramila ing mangkenipun, petani ing Pangkah lan sakiwa tengenipun badhe ngrembakaken varietas kasebat, kanthi sistem semi organik. Rabuk kimia ingkang dipun tanjakaken namung 20 persen kemawon, wondene sanesipun ngginakaken rabuk organik.
Anang Zainuddin
Bab kasebat dipun telakaken dening Wakil Bupati Bantul, Sumarno, sasampunipun nindakaken panen raya pantun varietas Inpari 2, 3, 4, 6 lan 8 ing Bulak Pangkah, Sumberagung, Jetis, Bantul. Kangge ngawekani saya winatesipun pasabinan, mliginipun kangge nanem pantun, petani kedah gadhah seserepan bab jinis varitas pantun ingkang sae. Pantun Inpari ingkang dipun panen ing Bulak Pangkah, ngasilaken Gabah Kering Panen, GKP 8,8 ton ing saben hektaripun. Produktivitas kasebat langkung kathah tinimbang Rata rata GKP Kabupaten Bantul, ingkang namung 7,6 ton saben hektar. Asil punika badhe dipun tanjakaken dening petani kangge ngrembakakaken varietas Inpari ing wewengkonipun.
Widarno, Ketua Kelompok Tani Ngudi Makmur Pangkah mratelakaken, awit lampah Percontohan Demplot pantun inpari punika kawawas kasil, pramila ing mangkenipun, petani ing Pangkah lan sakiwa tengenipun badhe ngrembakaken varietas kasebat, kanthi sistem semi organik. Rabuk kimia ingkang dipun tanjakaken namung 20 persen kemawon, wondene sanesipun ngginakaken rabuk organik.
Anang Zainuddin
