Sleman, www.jogjatv.tv - Kejawi katerak wereng, taneman pantun ing Kabupaten Sleman, samangke ugi katedha tikus. Kepara, pantun ingkang katedha tikus sampun nggayuh 250 hektar.
Adhedhasar data ing Kantor Dinas Pertanian Perikanan dan Kehutanan Kabupaten Sleman, 250 hektar pantun ingkang risak katedha tikus kasebat, sumebar ing sawetawis kecamatan. Antawisipun ing Kecamatan Minggir, Moyudan, Godean lan Seyegan. Wondene pantun ingkang katedha tikus, wonten ingkang kawontenanipun risak sanget, lan ugi wonten ingkang namung risak sekedhik. Awit paneraking ama, kadang tani kepeksa tumuli manen pantun, sinaosa dereng wancinipun. Bab punika kangge ngawekani supados boten kekathahen nandhang kapitunan. miturut Kepala Dinas Pertanian Perikanan dan Kehutanan Kabupaten Sleman, Riyadi Martoyo, sampun kathah cara ingkang dipun lampahaken petani kangge mbrastha tikus. Sinaosa makaten, asilipun dereng maremaken, lan paneraking tikus tansaya ngrebda.
Dipun telakaken ugi, dereng kasilipun kupiya mbrastha tikus ing Sleman, jalaran para kadang tani anggenipun mbrastha boten sesarengan, satemah tikus lajeng gampil pindhah. Awit saking punika, Riyadi ngajab dhateng para kadang tani supados anggenipun mbrastha tikus dipun lampahaken kanthi sesarengan. Lan kangge mbrastha kasebat, Dinas Pertanian Sleman suka redana ingkang dipun paringaken lumantar kelompok tani.
Subardi
Adhedhasar data ing Kantor Dinas Pertanian Perikanan dan Kehutanan Kabupaten Sleman, 250 hektar pantun ingkang risak katedha tikus kasebat, sumebar ing sawetawis kecamatan. Antawisipun ing Kecamatan Minggir, Moyudan, Godean lan Seyegan. Wondene pantun ingkang katedha tikus, wonten ingkang kawontenanipun risak sanget, lan ugi wonten ingkang namung risak sekedhik. Awit paneraking ama, kadang tani kepeksa tumuli manen pantun, sinaosa dereng wancinipun. Bab punika kangge ngawekani supados boten kekathahen nandhang kapitunan. miturut Kepala Dinas Pertanian Perikanan dan Kehutanan Kabupaten Sleman, Riyadi Martoyo, sampun kathah cara ingkang dipun lampahaken petani kangge mbrastha tikus. Sinaosa makaten, asilipun dereng maremaken, lan paneraking tikus tansaya ngrebda.
Dipun telakaken ugi, dereng kasilipun kupiya mbrastha tikus ing Sleman, jalaran para kadang tani anggenipun mbrastha boten sesarengan, satemah tikus lajeng gampil pindhah. Awit saking punika, Riyadi ngajab dhateng para kadang tani supados anggenipun mbrastha tikus dipun lampahaken kanthi sesarengan. Lan kangge mbrastha kasebat, Dinas Pertanian Sleman suka redana ingkang dipun paringaken lumantar kelompok tani.
Subardi
