Sleman, www.jogjatv.tv - Kangge mangertosi pikajengipun masyarakat, sawetawis warganing Dewan Perwakilan Daerah, DPD Pusat asal Provinsi DIY, dinten Selasa siyang(12/4), ngadani wawan rembag kaliyan para pejabat lan sesepuh warga Sleman. Kathah bab ingkang dipun usulaken salebeting wawan rembag kasebat. Antawisipun ngajab supados para petani Sleman dipun sukani kalodhangan kangge nglampahaken studi banding dhateng mancanegari, kanthi wragad saking pemerintah.
Warganing DPD Pusat asal DIY, ingkang ngadani pirembagan kaliyan para pejabat lan sesepuh masyarakat Sleman ing Gedhung Pertemuan Pemerintah Kabupaten Sleman, inggih punika, Gusti Kanjeng Ratu Hemas, Cholig Mahfud, Havidz Asrom sarta Afnan Hadi Kusumo. Kathah bab ingkang dipun usulaken dening para pejabat, lan warga Sleman salebeting pirembagan kasebat. Antawisipun babagan janjinipun warganing DPD Pusat asal DIY, bab penetapan Keistimewaan DIY, pramayogi kangge matesi madegipun supermarket sarta ugi wonten ingkang ngusulaken supados petani Sleman dipun sukani kalodhangan kangge tumut studi banding ing mancanegari, kanthi wragat saking pamarentah. Warganing DPD Pusat, Havidz Asrom nyarujuki usul studi banding menggahing petani, lan ngajab dhateng Pemkab Sleman nyawisaken wragadipun. Studi banding kawawas wigatos, awit sawetawis negari ingkang monjo ing babagan pertanian saged dipun trapaken ing Sleman.
Subardi
Warganing DPD Pusat asal DIY, ingkang ngadani pirembagan kaliyan para pejabat lan sesepuh masyarakat Sleman ing Gedhung Pertemuan Pemerintah Kabupaten Sleman, inggih punika, Gusti Kanjeng Ratu Hemas, Cholig Mahfud, Havidz Asrom sarta Afnan Hadi Kusumo. Kathah bab ingkang dipun usulaken dening para pejabat, lan warga Sleman salebeting pirembagan kasebat. Antawisipun babagan janjinipun warganing DPD Pusat asal DIY, bab penetapan Keistimewaan DIY, pramayogi kangge matesi madegipun supermarket sarta ugi wonten ingkang ngusulaken supados petani Sleman dipun sukani kalodhangan kangge tumut studi banding ing mancanegari, kanthi wragat saking pamarentah. Warganing DPD Pusat, Havidz Asrom nyarujuki usul studi banding menggahing petani, lan ngajab dhateng Pemkab Sleman nyawisaken wragadipun. Studi banding kawawas wigatos, awit sawetawis negari ingkang monjo ing babagan pertanian saged dipun trapaken ing Sleman.
Subardi
