Ngayogyakarta, www.jogjatv.tv - Supados paneraking uler ing wewengkon Pasar Aneka Satwa dan Tanaman Hias, Pasthy boten tansaya ngrebda, Pemerintah Kota Yogyakarta lumantar dinas ingkang magepokan, dinten Rebo enjing(13/4), nyemprot uler kanthi ngginakaken pestisida. Ananging emanipun, kupiya punika dereng kasil, jalaran mesin ingkang kangge nyemprot risak. Kamongka uler kasebat, dereng sedayanipun kasil dipun semprot.
Paneraking uler ing wewengkon Pasar Aneka Satwa dan Tanaman Hias, Pasthy Ngayogyakarta, nampi kawigatosan mirunggan saking Pemerintah Kota Yogyakarta. Dinten Rebo enjing(13/4), Pemkot lumantar dinas ingkang magepokan, mbrastha paneraking uler mawi pestisida. Sinaosa sampun kathah uler ingkang pejah, ananging uler ingkang taksih gesang ugi taksih kapetang kathah. Uler punika nemplek ing perangan pang punapa dene ing perangan ron uwit-witan. Kepala Bidang Pertanian Disperindagkoptan Kota Yogyakarta, Benny Nurhantoro ngandharaken, pestisida ingkang dipun ginakaken kasebat, dipun pitados badhe kasil mbrastha uler. Sasampunipun dipun semprot mawi pestisida, sadangunipun 3 dinten ngajeng, pehakipun tetep badhe nyemak pangrembakaning uler kasebat. Kejawi punika, masyarakat ugi kaajab boten kuwatos dhateng paneraking uler kasebat. Awit jinis uler punika beda kaliyan uler ingkang nerak wewengkon Jawa Timur lan Bali.
Kejawi punika, pehak pengelola Pasthy ngajab paneraking uler saged tumuli dipun awekani, satemah boten nganggu lampah dagang ing Pasthy.
Hari Atmaja
Paneraking uler ing wewengkon Pasar Aneka Satwa dan Tanaman Hias, Pasthy Ngayogyakarta, nampi kawigatosan mirunggan saking Pemerintah Kota Yogyakarta. Dinten Rebo enjing(13/4), Pemkot lumantar dinas ingkang magepokan, mbrastha paneraking uler mawi pestisida. Sinaosa sampun kathah uler ingkang pejah, ananging uler ingkang taksih gesang ugi taksih kapetang kathah. Uler punika nemplek ing perangan pang punapa dene ing perangan ron uwit-witan. Kepala Bidang Pertanian Disperindagkoptan Kota Yogyakarta, Benny Nurhantoro ngandharaken, pestisida ingkang dipun ginakaken kasebat, dipun pitados badhe kasil mbrastha uler. Sasampunipun dipun semprot mawi pestisida, sadangunipun 3 dinten ngajeng, pehakipun tetep badhe nyemak pangrembakaning uler kasebat. Kejawi punika, masyarakat ugi kaajab boten kuwatos dhateng paneraking uler kasebat. Awit jinis uler punika beda kaliyan uler ingkang nerak wewengkon Jawa Timur lan Bali.
Kejawi punika, pehak pengelola Pasthy ngajab paneraking uler saged tumuli dipun awekani, satemah boten nganggu lampah dagang ing Pasthy.
Hari Atmaja
