Sleman, www.jogjatv.tv - 79 petani saking maneka wewengkon ing Sleman, dinten Rebo siyang(13/4), tumut lomba mluku, ingkang dipun adani dening Dinas Pertanian Perikanan dan Kehutanan, Dispertanihut Sleman, ing pasabinan wetan Dhusun Getas, Desa Tlogoadi, Kecamatan Mlathi, Kabupaten Sleman. Kejawi kangge mengeti ambal warsa Kabupaten Sleman ingkang jangkep kaping 95 taun, lomba mluku punika ancasipun ugi kangge ngrembakakaken pariwisata ing Sleman, mliginipun wisata pertanian.
Salebeting lomba mluku ingkang dipun adani dening Dinas Pertanian Perikanan dan Kehutanan Kabupaten Sleman, wonten 4 bab ingkang dipun biji. Inggih punika kaprigelan lan runtutipun wlukon, asilipun mluku, aba-aba sarta rasukanipun. Miturut Kepala Dinas Pertanian Perikanan dan Kehutanan Kabupaten Sleman, Riyadi Martoyo, kejawi kangge ngregengaken pengetan ambal warsa kaping 95 taun Kabupaten Sleman ing tanggal 15 Mei benjing, lomba mluku punika ancasipun ugi kangge ngrembakakaken pariwisata pertanian, sarta kangge nuwuhaken krentegipun wiranem ing babagan olah tetanen kanthi cara tradisional.
Miturut Riyadi Martoyo, lomba mluku ingkang dipun adani samangke, sanes kawitan lan miturut rantaman badhe dipun adani saben taun ing papan ingkang beda beda.
Subardi
Salebeting lomba mluku ingkang dipun adani dening Dinas Pertanian Perikanan dan Kehutanan Kabupaten Sleman, wonten 4 bab ingkang dipun biji. Inggih punika kaprigelan lan runtutipun wlukon, asilipun mluku, aba-aba sarta rasukanipun. Miturut Kepala Dinas Pertanian Perikanan dan Kehutanan Kabupaten Sleman, Riyadi Martoyo, kejawi kangge ngregengaken pengetan ambal warsa kaping 95 taun Kabupaten Sleman ing tanggal 15 Mei benjing, lomba mluku punika ancasipun ugi kangge ngrembakakaken pariwisata pertanian, sarta kangge nuwuhaken krentegipun wiranem ing babagan olah tetanen kanthi cara tradisional.
Miturut Riyadi Martoyo, lomba mluku ingkang dipun adani samangke, sanes kawitan lan miturut rantaman badhe dipun adani saben taun ing papan ingkang beda beda.
Subardi
