Ngayogyakarta, www.jogjatv.tv - Kangge manunggalaken budaya ingkang beda, malem Selasa kalawingi (11/4), dipun gelar pentas seni kolaborasi antawisipun seniman Jepang lan seniman Ngayogyakarta, mapan ing Amphiteater Taman Budaya Yogyakarta. Para seniman ingkang tumut nyengkuyung lampahing pentas kasebat antawisipun Jemek Supardi, Suwarto, Haryanto Taliwangsa, Ayako Yamashita lan Michiko Chida.
Seni kawawas minangka cara ingkang saged nyawijekaken maneka bab ingkang beda, inggih agami, budaya punapa dene suku, salebeting wadhah dialog budaya. Bab punika ingkang dados lelandhesaning seniman saking kekalih nagari, inggih punika Jepang lan Indonesia, kangge nggelar kolaborasi seni, ing Amphiteater Taman Budaya Yogyakarta. Babak kapisan, dipun wiwiti kanthi medalipun kekalih seniman Jepang, inggih punika seniman teater, Michiko Chida lan seniman tari, Ayako Yamashita ingkang mentasaken Dek Kek Ngka.
Kalajengaken pentas seni kanthi irah-irahan “Bisa Apa Saja”, dening seniman musik Jepang, Makoto Nomura. Adicara kalajengaken kanthi medalipun seniman pantomim Jogja, Jemek Supardi, Suwarto, Ki Mujar Sangkerta, Ayako Yamashita lan Michiko Chida. Haryanto Taliwangsa, Y Subowo, Kumiko Yabu lan Makoto Nomura ugi ngiringi pentas kasebat.
Pentas kolaborasi antawisipun seniman Jepang lan seniman Ngayogyakarta punika, ugi nedahaken kawigatosanipun seniman Ngayogyakarta dhateng korban Tsunami ing Jepang.
Edna-Fina
Seni kawawas minangka cara ingkang saged nyawijekaken maneka bab ingkang beda, inggih agami, budaya punapa dene suku, salebeting wadhah dialog budaya. Bab punika ingkang dados lelandhesaning seniman saking kekalih nagari, inggih punika Jepang lan Indonesia, kangge nggelar kolaborasi seni, ing Amphiteater Taman Budaya Yogyakarta. Babak kapisan, dipun wiwiti kanthi medalipun kekalih seniman Jepang, inggih punika seniman teater, Michiko Chida lan seniman tari, Ayako Yamashita ingkang mentasaken Dek Kek Ngka.
Kalajengaken pentas seni kanthi irah-irahan “Bisa Apa Saja”, dening seniman musik Jepang, Makoto Nomura. Adicara kalajengaken kanthi medalipun seniman pantomim Jogja, Jemek Supardi, Suwarto, Ki Mujar Sangkerta, Ayako Yamashita lan Michiko Chida. Haryanto Taliwangsa, Y Subowo, Kumiko Yabu lan Makoto Nomura ugi ngiringi pentas kasebat.
Pentas kolaborasi antawisipun seniman Jepang lan seniman Ngayogyakarta punika, ugi nedahaken kawigatosanipun seniman Ngayogyakarta dhateng korban Tsunami ing Jepang.
Edna-Fina
