Ngayogyakarta, www.jogjatv.tv - Pangaribawa modernisasi pertanian, ndadosaken sanak kadang tani lajeng tepang dhateng teknologi pertanian. Sinaosa asiling pertanian ingkang dipun garab mawi teknologi kirang maremaken, ananging para petani tetep ngginakaken teknologi. Bab punika jalaran asiling tetanen boten dipun sade, ananging dipun ginakaken piyambak minangka pasudiyan pangan. Bab punika nuwuhaken prihatos salebeting pembangunan pertanian ingkang sampun lumampah 40 taun.
Salebeting seminar ingkang dipun adani ing Pusat Studi Pedesaan dan Kawasan UGM, Selasa enjing(12/4), salah satunggaling winasis ingkang paring pangandikan, susetiawan njlentrehaken bilih pembangunan pertanian ing Indonesia ngantos samangke taksih mrihatosaken. Lampahing pembangunan pertanian ingkang sampun watawis 40 taun lan katujokaken kangge ngindhakaken produksi pertanian, kasunyatanipun Indonesia taksih ndhatengaken uwos saking mancanegari. Kejawi punika, pangaribawa modernisasi pertanian pangan tetela ngewahi pertanian, saking cara konvensional dhateng cara modern, kadosta ngginakaken rabuk organik, pestisida lan nanem winih pantun damelan pabrik. Kanthi nanjakaken teknologi pertanian, sanak kadang tani saged langkung cepet anggenipun makarya ing sabin. Satemah wekdal ingkang taksih lowong lajeng dipun ginakaken kangge makarya samben, ingkang asilipun malah saged dipun jagakaken.
Susetiawan mratelakaken, samangke pakaryanipun para kadang tani saya winates, awit kaperbawan dening program pemerintah, peken asiling produksi, peken piranti produksi lan sanes-sanesipun. Wusananipun petani dados konsumen ingkang ngginakaken barang-barang industri. Kawontenan punika njalari petani boten saged dados petani mandiri, ananging langkung gumantung dhateng program pembangunan pemerintah.
Afirta Diah Apsari-Abdul Maarif
Salebeting seminar ingkang dipun adani ing Pusat Studi Pedesaan dan Kawasan UGM, Selasa enjing(12/4), salah satunggaling winasis ingkang paring pangandikan, susetiawan njlentrehaken bilih pembangunan pertanian ing Indonesia ngantos samangke taksih mrihatosaken. Lampahing pembangunan pertanian ingkang sampun watawis 40 taun lan katujokaken kangge ngindhakaken produksi pertanian, kasunyatanipun Indonesia taksih ndhatengaken uwos saking mancanegari. Kejawi punika, pangaribawa modernisasi pertanian pangan tetela ngewahi pertanian, saking cara konvensional dhateng cara modern, kadosta ngginakaken rabuk organik, pestisida lan nanem winih pantun damelan pabrik. Kanthi nanjakaken teknologi pertanian, sanak kadang tani saged langkung cepet anggenipun makarya ing sabin. Satemah wekdal ingkang taksih lowong lajeng dipun ginakaken kangge makarya samben, ingkang asilipun malah saged dipun jagakaken.
Susetiawan mratelakaken, samangke pakaryanipun para kadang tani saya winates, awit kaperbawan dening program pemerintah, peken asiling produksi, peken piranti produksi lan sanes-sanesipun. Wusananipun petani dados konsumen ingkang ngginakaken barang-barang industri. Kawontenan punika njalari petani boten saged dados petani mandiri, ananging langkung gumantung dhateng program pembangunan pemerintah.
Afirta Diah Apsari-Abdul Maarif
