Klaten, www.jogjatv.tv - Solah lucunipun Briptu Norman Kamaru nalika nembangaken lagu India Chiyya – Chayyia ing you tube, kanthi ngangge seragam polisi, tetela narik kawigatosaning warga. Makaten ugi menggahing warga Klaten, Jawa Tengah, sami tumbas VCD rekaman lipsing Briptu Norman, ngantos dhateng bakul kaset asongan ing peken.
Romini salah satunggaling warga Kecamatan Bayat, Klaten, kepranan dhateng solahipun Briptu Norman ingkang ndhagel nalika nembangaken lagu India wekdal ngayahi jejibahanipun minangka polisi. Awit raos keprananipun dhateng Briptu Norman, Romini lajeng kupiya pados VCD Briptu Norman dhateng sawetawis toko kaset ing Klaten. Ananging wusananipun malah manggihaken VCD lipsing Briptu Norman saking satunggaling bakul kaset asongan ing peken.
Salah satunggaling bakul kaset asongan Muji mratelakaken, sawetawis dinten punika, kathah warga ingkang pados VCD lipsing lagu India Chiyya–Chayyia ingkang dipun tembangaken dening Briptu Norman. Muji nelakaken nembe kalawingi anggenipun pikantuk VCD lipsing Briptu Norman, lan samangke sampun pajeng kasade.
Tim Liputan
Romini salah satunggaling warga Kecamatan Bayat, Klaten, kepranan dhateng solahipun Briptu Norman ingkang ndhagel nalika nembangaken lagu India wekdal ngayahi jejibahanipun minangka polisi. Awit raos keprananipun dhateng Briptu Norman, Romini lajeng kupiya pados VCD Briptu Norman dhateng sawetawis toko kaset ing Klaten. Ananging wusananipun malah manggihaken VCD lipsing Briptu Norman saking satunggaling bakul kaset asongan ing peken.
Salah satunggaling bakul kaset asongan Muji mratelakaken, sawetawis dinten punika, kathah warga ingkang pados VCD lipsing lagu India Chiyya–Chayyia ingkang dipun tembangaken dening Briptu Norman. Muji nelakaken nembe kalawingi anggenipun pikantuk VCD lipsing Briptu Norman, lan samangke sampun pajeng kasade.
Tim Liputan
