Surakarta, www.jogjatv.tv - Minangka kupiya kangge njagi lestantuning budaya Jawi, Pemerintah Kota Surakarta lumantar Dinas Pendidikan, ngadani lomba karawitan kangge para siswa. Sinaosa taksih alit, ananging para siswa sampun prigel olah seni karawitan.
Ungeling gendhing-gendhing Jawi kapireng gandem ing panggung Taman Sriwedari Surakarta. Ing kalodhangan kasebat, para siswa SD ing Kitha Surakarta saweg tumut lomba karawitan kangge tataran SD. Sinaosa umuripun taksih alit, ananging para siswa sampun katingal prigel olah seni karawitan. Salebeting lomba kasebat, saben kelompok nyekaraken racikan Pangkur sarta lagu wajib tertib lalu lintas.
Kangge saged olah seni karawitan pranyata kedah ajeg nglampahaken gladhen. Kadosta nabuh kendhang. Sinaosa gatranipun prasaja, ananging kendhang wigati sanget salebeting gendhing Jawi. Lan lare punika pranyata prigel nabuh kendhang.
Kejawi lomba karawitan, salebeting seminggu ngajeng taksih badhe dipun adani maneka lomba sanesipun, kadosta macapatan, mbeksan sarta nglukis. Lan kridha kados makaten saged dados sarana pasinaon menggahipun warga kangge nglestantunaken kesenian tradisional.
Faqih
Ungeling gendhing-gendhing Jawi kapireng gandem ing panggung Taman Sriwedari Surakarta. Ing kalodhangan kasebat, para siswa SD ing Kitha Surakarta saweg tumut lomba karawitan kangge tataran SD. Sinaosa umuripun taksih alit, ananging para siswa sampun katingal prigel olah seni karawitan. Salebeting lomba kasebat, saben kelompok nyekaraken racikan Pangkur sarta lagu wajib tertib lalu lintas.
Kangge saged olah seni karawitan pranyata kedah ajeg nglampahaken gladhen. Kadosta nabuh kendhang. Sinaosa gatranipun prasaja, ananging kendhang wigati sanget salebeting gendhing Jawi. Lan lare punika pranyata prigel nabuh kendhang.
Kejawi lomba karawitan, salebeting seminggu ngajeng taksih badhe dipun adani maneka lomba sanesipun, kadosta macapatan, mbeksan sarta nglukis. Lan kridha kados makaten saged dados sarana pasinaon menggahipun warga kangge nglestantunaken kesenian tradisional.
Faqih
