Bantul, www.jogjatv.tv - Bayi kembar yoganipun Komari lan Purwati, warga Kabupaten Sleman, mrihatosaken awit nandhang kelainan kelamin ganda. Sakawit kekalih bayi kembar punika dipun dugi jaler, nanging sasampunipun dipun priksa langkung permati, kekalih bayi kasebat pranyata estri. Samangke kekalih bayi wau, kedah dipun upakawis kanthi medis.
Komari lan Purwati boten nyana bilih yoga kembaripun ingkang sakawit dipun dugi jaler, pranyata estri. Nalika lair ing rumah sakit, watawis 7 wulan kapengker, kekalih bayi kasebat dipun telakaken jaler, awit nggadhahi planangan. Satemah bayi kembar wau dipun tengeri Rosid Sidik lan Jaelani Sidik. Ananging sewulan candhakipun, dokter nelakaken bilih kekalih bayi wau pranyata estri. Bab punika dipun mangertosi sasampunipun dipun adani priksa test hormon lan kromosom. Ngantos samangke kekalih bayi kasebat, kedah dipun upakawis kanthi medis. Ananging emanipun, kurdaning Redi Merapi njalari pangupakawising bayi wau kepeksa kendel, awit griyanipun Komari risak katrajang awan panas. Satemah komari sarta kulawarganipun kedah manggen ing papan pangungsen.
Samangke Komari lan brayatipun kepeksa nunut manggen ing griya sadherekipun, ingkang dumunung ing Padhukuhan Sarang, Kalurahan Sidomulyo, Kecamatan Bambanglipuro, Bantul. Gesangipun Komari lan brayatipun namung njagakaken bantuan saking tiyang ingkang welas asih. Awit Komari namung makarya minangka berah srabutan. Wondene obat ingkang dipun betahaken kangge ngupakawis yoganipun, kedah dipun dhatengaken saking Australia.
Anang Zainudin
Komari lan Purwati boten nyana bilih yoga kembaripun ingkang sakawit dipun dugi jaler, pranyata estri. Nalika lair ing rumah sakit, watawis 7 wulan kapengker, kekalih bayi kasebat dipun telakaken jaler, awit nggadhahi planangan. Satemah bayi kembar wau dipun tengeri Rosid Sidik lan Jaelani Sidik. Ananging sewulan candhakipun, dokter nelakaken bilih kekalih bayi wau pranyata estri. Bab punika dipun mangertosi sasampunipun dipun adani priksa test hormon lan kromosom. Ngantos samangke kekalih bayi kasebat, kedah dipun upakawis kanthi medis. Ananging emanipun, kurdaning Redi Merapi njalari pangupakawising bayi wau kepeksa kendel, awit griyanipun Komari risak katrajang awan panas. Satemah komari sarta kulawarganipun kedah manggen ing papan pangungsen.
Samangke Komari lan brayatipun kepeksa nunut manggen ing griya sadherekipun, ingkang dumunung ing Padhukuhan Sarang, Kalurahan Sidomulyo, Kecamatan Bambanglipuro, Bantul. Gesangipun Komari lan brayatipun namung njagakaken bantuan saking tiyang ingkang welas asih. Awit Komari namung makarya minangka berah srabutan. Wondene obat ingkang dipun betahaken kangge ngupakawis yoganipun, kedah dipun dhatengaken saking Australia.
Anang Zainudin
