Klaten, www.jogjatv.tv - Sinaosa samangke piranti balewisma sampun kathah ingkang langkung modern, ananging kawontenaning piranti balewisma tradisional, pranyata boten kasingkir. Ing Desa Jarum, Kecamatan Bayat, Klaten, taksih kathah dipun panggihaken perajin cowek ingkang ngantos samangke taksih lestantun.
Cowek mujudaken satunggaling piranti balewisma ingkang dipun ginakaken kangge ngulek bumbu. Lan para ibu ing karang padhusunan, racakipun taksih ngginakaken piranti punika, sinaosa pangrembakaning piranti balewisma sampun saya modern. Cowek kadamel saking bahan baku sela. Salah satunggaling perajin cowek, Hadi mratelakaken, ing saben dintenipun saged damel cowek watawis cacah 4 ngantos 5. Lan cowek damelanipun kasebat dipun sade dhateng sawetawis peken ing Klaten, Surakarta lan Ngayogyakarta. Cowek kasebat dipun sade kanthi regi watawis Rp. 10.000,- ngantos Rp. 15.000,- saben ijinipun, gumantung saking ukuranipun.
Sela sisanipun pandameling cowek, salajengipun dipun tanjakaken kangge damel split minangka bahan baku cor bangunan. Satemah, boten wonten limbah ingkang kabucal. Kangge damel split punika, Pak Hadi dipun biyantu dening semahipun. Split dipun sade Rp. 300.000,- saben setunggal colt. Lan asil panyadening split tetela saged dipun ginakaken kangge nambah pamedaling kulawarga.
Tim Liputan
Cowek mujudaken satunggaling piranti balewisma ingkang dipun ginakaken kangge ngulek bumbu. Lan para ibu ing karang padhusunan, racakipun taksih ngginakaken piranti punika, sinaosa pangrembakaning piranti balewisma sampun saya modern. Cowek kadamel saking bahan baku sela. Salah satunggaling perajin cowek, Hadi mratelakaken, ing saben dintenipun saged damel cowek watawis cacah 4 ngantos 5. Lan cowek damelanipun kasebat dipun sade dhateng sawetawis peken ing Klaten, Surakarta lan Ngayogyakarta. Cowek kasebat dipun sade kanthi regi watawis Rp. 10.000,- ngantos Rp. 15.000,- saben ijinipun, gumantung saking ukuranipun.
Sela sisanipun pandameling cowek, salajengipun dipun tanjakaken kangge damel split minangka bahan baku cor bangunan. Satemah, boten wonten limbah ingkang kabucal. Kangge damel split punika, Pak Hadi dipun biyantu dening semahipun. Split dipun sade Rp. 300.000,- saben setunggal colt. Lan asil panyadening split tetela saged dipun ginakaken kangge nambah pamedaling kulawarga.
Tim Liputan
