Sleman, www.jogjatv.tv - Nanem pantun utawi tandur tetela boten namung saged dipun lampahaken kanthi cara manual kemawon, nanging ugi saged dipun lampahaken kanthi piranti Baytani Syder utawi Alat Tanam Tabur Benih Langsung, Tabela. Piranti tanem damelanipun PT Bayer Jakarta punika, dinten Rebo siyang(13/4), dipun cobi ing pasabinan wetan Dhusun Getas, Desa Tlogoadi, Kecamatan Mlathi, Kabupaten Sleman.
Piranti tanem Baytani Sider utawi Alat Tanam Tabur Benih Langsung, Tabela kasebat saestunipun prasaja sanget, dipun damel saking pipa pralon lan rodha kajeng. Cara panganggenipun, bibit pantun ingkang badhe dipun tanem dipun lebetaken dhateng pipa pralon ingkang sampun dipun sukani bolongan sawetawis. Salajengipun, piranti kasebat dipun tarik dhateng leleran pasabinan, lan bibit pantun ingkang wonten pralon badhe medal kanthi runtut. Miturut satunggaling petugas PT Bayer, Hadi Susanto, nanem pantun ngginakaken Tabela kathah bebathenipun. Kanthi ngginakaken Tabela, salebeting wekdal 6 jam, satunggal tiyang saged ngrampungaken nanem pantun ing pasabinan 1 hektar. Awit saking punika kanthi ngginakaken Tabela, kejawi saged ngirit wragad ugi kangge ngirit tenaga.
Miturut Hadi Susanto, Tabela damelanipun PT Bayer punika boten dipun sade, nanging namung dipun sambutaken dhateng para kadang tani ingkang kepengin ngginakaken.
Subardi
Piranti tanem Baytani Sider utawi Alat Tanam Tabur Benih Langsung, Tabela kasebat saestunipun prasaja sanget, dipun damel saking pipa pralon lan rodha kajeng. Cara panganggenipun, bibit pantun ingkang badhe dipun tanem dipun lebetaken dhateng pipa pralon ingkang sampun dipun sukani bolongan sawetawis. Salajengipun, piranti kasebat dipun tarik dhateng leleran pasabinan, lan bibit pantun ingkang wonten pralon badhe medal kanthi runtut. Miturut satunggaling petugas PT Bayer, Hadi Susanto, nanem pantun ngginakaken Tabela kathah bebathenipun. Kanthi ngginakaken Tabela, salebeting wekdal 6 jam, satunggal tiyang saged ngrampungaken nanem pantun ing pasabinan 1 hektar. Awit saking punika kanthi ngginakaken Tabela, kejawi saged ngirit wragad ugi kangge ngirit tenaga.
Miturut Hadi Susanto, Tabela damelanipun PT Bayer punika boten dipun sade, nanging namung dipun sambutaken dhateng para kadang tani ingkang kepengin ngginakaken.
Subardi
