Ngayogyakarta, www.jogjatv.tv - Sinaosa kawontenaning uler mujudaken peranganing proses metamorfosa, ananging menawi gunggungipun kathah sanget, temtu badhe nuwuhaken raos kuwatos. Gegayutan kaliyan paneraking uler wekdal samangke, Wakil Menteri Pertanian Republik Indonesia, ngandharaken bilih kawontenaning uler wau minangka bab limrah, ingkang dipun pangaribawani awit gantosing mangsa.
Paneraking uler ing sawetawis wewengkon, tetela njalari kuwatosipun masyarakat. Sinaosa wontenipun uler kaanggep limrah salebeting proses metamorfosa, ananging menawi gunggungipun kathah sanget, temtu nuwuhaken kawigatosan menggahipun masyarakat. Gegayutan kaliyan perkawis punika, Wakil Menteri Pertanian RI, Bayu Krisnamurti, Kemis siyang(14/4), suka katrangan dhateng para juruwarta. Miturut Bayu Krisnamurti, populasi uler kasebat dipun pangaribawani awit gantosing iklim ingkang dumados ing taun 2010 kapengker. Kejawi punika, predator utawi kewan ingkang mangsa uler, gunggungipun kantun sekedhik.
Sinaosa sumebaripun uler sampun dumugi wewengkon Ngayogyakarta, ananging pemerintah ngajab dhateng masyarakat supados boten kuwatos dhateng perkawis punika. Bab punika, jalaran uler badhe ical sasampunipun wekdal 3 minggu ngajeng. Miturut palapuran ingkang dipun tampi Kementrian Pertanian, ing tlatah Probolinggo, Jawa Timur, uler ingkang nerak taneman mujudaken uler jinis aktornis. Lan uler kasebat nerak uwit-witan cacah 14.500 uwit. Sinaosa kalebet Kejadian Luar Biasa utawi KLB, ananging paneraking uler namung nggayuh 1,5% saking gunggung 1,8 yuta uwit pelem. Paneraking uler kasebat njalari gagal panen pelem ing taun samangke. Ing tlatah Jawa Tengah, uler ugi nerak Kabupaten Blora lan Kendal. Kejawi punika, spesies uler ingkang nerak taneman kasebat ugi boten sami. Paneraking uler punika boten mbebayani tumraping manungsa. Sinaosa makaten nuwuhaken kuwatos jalaran gunggungipun kathah sanget.
Ernita-Andri Yulianto
Paneraking uler ing sawetawis wewengkon, tetela njalari kuwatosipun masyarakat. Sinaosa wontenipun uler kaanggep limrah salebeting proses metamorfosa, ananging menawi gunggungipun kathah sanget, temtu nuwuhaken kawigatosan menggahipun masyarakat. Gegayutan kaliyan perkawis punika, Wakil Menteri Pertanian RI, Bayu Krisnamurti, Kemis siyang(14/4), suka katrangan dhateng para juruwarta. Miturut Bayu Krisnamurti, populasi uler kasebat dipun pangaribawani awit gantosing iklim ingkang dumados ing taun 2010 kapengker. Kejawi punika, predator utawi kewan ingkang mangsa uler, gunggungipun kantun sekedhik.
Sinaosa sumebaripun uler sampun dumugi wewengkon Ngayogyakarta, ananging pemerintah ngajab dhateng masyarakat supados boten kuwatos dhateng perkawis punika. Bab punika, jalaran uler badhe ical sasampunipun wekdal 3 minggu ngajeng. Miturut palapuran ingkang dipun tampi Kementrian Pertanian, ing tlatah Probolinggo, Jawa Timur, uler ingkang nerak taneman mujudaken uler jinis aktornis. Lan uler kasebat nerak uwit-witan cacah 14.500 uwit. Sinaosa kalebet Kejadian Luar Biasa utawi KLB, ananging paneraking uler namung nggayuh 1,5% saking gunggung 1,8 yuta uwit pelem. Paneraking uler kasebat njalari gagal panen pelem ing taun samangke. Ing tlatah Jawa Tengah, uler ugi nerak Kabupaten Blora lan Kendal. Kejawi punika, spesies uler ingkang nerak taneman kasebat ugi boten sami. Paneraking uler punika boten mbebayani tumraping manungsa. Sinaosa makaten nuwuhaken kuwatos jalaran gunggungipun kathah sanget.
Ernita-Andri Yulianto
