Ngayogyakarta, www.jogjatv.tv - Paneraking uler ingkang nggegeraken sawetawis wewengkon ing Jawa Timur lan Bali sawetawis wekdal punika, pranyata samangke ugi sampun dumugi wewengkon DIY. Ing Kabupaten Bantul, paneraking uler dipun panggihaken ing pekawisan griyanipun warga. Wondene ing Kabupaten Sleman, paneraking uler sampun sumebar ing wewengkon Kecamatan Moyudan.
Ing Kabupaten Bantul, paneraking uler dipun panggihaken ing satunggaling uwit pelem, ing sangajenging wande gadhahanipun Gito, warga Padhukuhan Turi, Desa Sumberagung, Jethis, Bantul. Sakawit Gito boten mangertos menawi ing sangajenging wandenipun dipun panggihaken uler. Sasampunipun manggihaken uler kasebat, Gito lajeng lapur dhateng ketua RT.
Sasampunipun ngadani pirembagan kaliyan ketua RT lan dhukuh, wusananipun uwit pelem ingkang dipun ginakaken kangge nusuh uler wau, lajeng dipun semprot mawi insektisida. Paneraking uler punika boten ndadosaken kuwatosipun warga, jalaran ajeg dumados ing saben taun.
Boten namung ing Bantul kemawon, paneraking uler pranyata ugi dipun panggihaken ing Kecamatan Moyudan, Kabupaten Sleman. Paneraking uler ing Kecamatan Moyudan wonten sawetawis jinis. Kadosta uler werni jene ingkang mrambat ing uwit-witan sakiwa tengening Balai Desa Sumberarum lan Puskesmas Moyudan. Sarta uler werni soklat ingkang dipun panggihaken ing uwit-witan sakiwa tengening SMP Negeri II Moyudan. Miturut Kepala Desa Sumberarum, Senojo, kawontenaning uler kasebat sampun dipun panggihaken wiwit 3 minggu kapengker, lan samangke cacahipun saya kathah.
Kangge ngendhaleni pangrembakaning uler, Pemerintah Desa Sumberarum kupiya nyemprot mawi insektisida sarta mbesem ron-ronan ingkang kangge ngenthung uler.
Tim Liputan
Ing Kabupaten Bantul, paneraking uler dipun panggihaken ing satunggaling uwit pelem, ing sangajenging wande gadhahanipun Gito, warga Padhukuhan Turi, Desa Sumberagung, Jethis, Bantul. Sakawit Gito boten mangertos menawi ing sangajenging wandenipun dipun panggihaken uler. Sasampunipun manggihaken uler kasebat, Gito lajeng lapur dhateng ketua RT.
Sasampunipun ngadani pirembagan kaliyan ketua RT lan dhukuh, wusananipun uwit pelem ingkang dipun ginakaken kangge nusuh uler wau, lajeng dipun semprot mawi insektisida. Paneraking uler punika boten ndadosaken kuwatosipun warga, jalaran ajeg dumados ing saben taun.
Boten namung ing Bantul kemawon, paneraking uler pranyata ugi dipun panggihaken ing Kecamatan Moyudan, Kabupaten Sleman. Paneraking uler ing Kecamatan Moyudan wonten sawetawis jinis. Kadosta uler werni jene ingkang mrambat ing uwit-witan sakiwa tengening Balai Desa Sumberarum lan Puskesmas Moyudan. Sarta uler werni soklat ingkang dipun panggihaken ing uwit-witan sakiwa tengening SMP Negeri II Moyudan. Miturut Kepala Desa Sumberarum, Senojo, kawontenaning uler kasebat sampun dipun panggihaken wiwit 3 minggu kapengker, lan samangke cacahipun saya kathah.
Kangge ngendhaleni pangrembakaning uler, Pemerintah Desa Sumberarum kupiya nyemprot mawi insektisida sarta mbesem ron-ronan ingkang kangge ngenthung uler.
Tim Liputan
