Ngayogyakarta, www.jogjatv.tv - Kanthi ancas kangge ngleluri budaya, warga Kelurahan Jagalan, Kotagede, dinten Minggu enjing(17/4), ngadani kirab seni budaya Ambengan Ageng Gunungan Kuliner Nawu Jagang, “Mesjid Ageng Mataram Sendhang Selirang”. Salebeting kirab kasebat, kekalih gunungan ingkang kadamel saking wulu wedaling bumi lan tetedhan tradisional, sarta kalih jodang cakrik wewangunan Jawi, dipun kirab saking Kelurahan Jagalan tumuju dhateng Masjid Ageng Mataram.
Kirab Budaya Ageng Mataram Kuthogede, dipun estreni dening ewonan warga, para abdi dalem lan warga saking sakiwa tengen Kotagede. Lampahing kirab dipun wiwiti drumband, sholawatan lan parade seni, ingkang ngiringi kekalih gunungan ingkang kadamel saking wulu wedaling bumi lan tetedhan tradisional, kadosta kipo, banjar, yangko, ukel, roti kembang waru lan legomoro.
Kajawi gunungan, ugi dipun kirab 2 jodang kanthi cakrik wewangunan Jawi. Kirab budaya ingkang ajeg dipun adani punika kasil narik kawigatosanipun warga lan para wisatawan ingkang dhateng Ngayogyakarta. Wewengkon Mesjid Ageng Mataram kawentar minangka papan pangrembakaning budaya, awit masyarakatipun ngantos samangke taksih nggegegi warisan budaya saking para leluhur.
Sasampunipun dumugi ing Mesjid Ageng Mataram, gunungan ingkang dipun kirab saking plataran Kalurahan Jagalan, salajengipun dipun dongani. Sasampunipun dipun dongani, gunungan dipun rebataken dhateng warga. Miturut kapitadosanipun warga, peranganing gunungan tetela saged ndhatengaken berkah.
Afirtha Diah Apsari-Abdul Maarif
Kirab Budaya Ageng Mataram Kuthogede, dipun estreni dening ewonan warga, para abdi dalem lan warga saking sakiwa tengen Kotagede. Lampahing kirab dipun wiwiti drumband, sholawatan lan parade seni, ingkang ngiringi kekalih gunungan ingkang kadamel saking wulu wedaling bumi lan tetedhan tradisional, kadosta kipo, banjar, yangko, ukel, roti kembang waru lan legomoro.
Kajawi gunungan, ugi dipun kirab 2 jodang kanthi cakrik wewangunan Jawi. Kirab budaya ingkang ajeg dipun adani punika kasil narik kawigatosanipun warga lan para wisatawan ingkang dhateng Ngayogyakarta. Wewengkon Mesjid Ageng Mataram kawentar minangka papan pangrembakaning budaya, awit masyarakatipun ngantos samangke taksih nggegegi warisan budaya saking para leluhur.
Sasampunipun dumugi ing Mesjid Ageng Mataram, gunungan ingkang dipun kirab saking plataran Kalurahan Jagalan, salajengipun dipun dongani. Sasampunipun dipun dongani, gunungan dipun rebataken dhateng warga. Miturut kapitadosanipun warga, peranganing gunungan tetela saged ndhatengaken berkah.
Afirtha Diah Apsari-Abdul Maarif
