Magelang, www.jogjatv.tv - Siswa SMA lan SMK ingkang dados kurban bena ladhu Merapi, dinten Senen enjing(18/4), ugi tumut Ujian Nasional dinten kapisan. Ing SMK Negeri I Salam, Kabupaten Magelang, Jawa Tengah, sedaya siswa ingkang tumut ujian katingal tumemen anggenipun nggarap soal Ujian Nasional, sinaosa sawetawis perangan gedhung sekolahan risak awit katrajang bena ladhu Merapi, ananging lampahing Ujian Nasional lumampah rancag. Saking 240 siswa kelas XII, wonten 1 siswa ingkang boten tumut ujian jalaran sakit.
Miturut Kepala SMK Negeri I Sala, Sugiarto, sinaosa kathah siswa lan kulawarganipun ingkang dados kurban bena ladhu Merapi, nanging para siswa tetep tumemen anggenipun nggarap soal Ujian Nasional.
Mata pelajaran ingkang kangge Ujian Nasional samangke inggih punika Basa Indonesia, Matematika, Basa Inggris lan teori kejuruan. Sadintenipun, para siswa namung ujian setunggal mata pelajaran kemawon, beda kaliyan mata pelajaran SMA limrahipun. Pehak sekolah ngajab boten tumempuh bena ladhu susulan, supados Ujian Nasional samangke saged lumampah rancag.
Para siswa ingkang tumut Ujian Nasional ing SMK Negeri I Salam, asal saking Magelang, Temanggung, Kulonprogo lan sawetawis tlatah sanesipun. Saderengipun tumempuh bena ladhu, para siswa kasebat mapan ing asrama sekolah. Nanging awit tumempuhing bena ladhu sawetawis wekdal kapengker, asrama sekolah risak, lan para siswa kepeksa kedah mondhok dhateng griyanipun warga ing sakiwa tengen sekolahan.
Gama-Lala-Hari Atmaja
Miturut Kepala SMK Negeri I Sala, Sugiarto, sinaosa kathah siswa lan kulawarganipun ingkang dados kurban bena ladhu Merapi, nanging para siswa tetep tumemen anggenipun nggarap soal Ujian Nasional.
Mata pelajaran ingkang kangge Ujian Nasional samangke inggih punika Basa Indonesia, Matematika, Basa Inggris lan teori kejuruan. Sadintenipun, para siswa namung ujian setunggal mata pelajaran kemawon, beda kaliyan mata pelajaran SMA limrahipun. Pehak sekolah ngajab boten tumempuh bena ladhu susulan, supados Ujian Nasional samangke saged lumampah rancag.
Para siswa ingkang tumut Ujian Nasional ing SMK Negeri I Salam, asal saking Magelang, Temanggung, Kulonprogo lan sawetawis tlatah sanesipun. Saderengipun tumempuh bena ladhu, para siswa kasebat mapan ing asrama sekolah. Nanging awit tumempuhing bena ladhu sawetawis wekdal kapengker, asrama sekolah risak, lan para siswa kepeksa kedah mondhok dhateng griyanipun warga ing sakiwa tengen sekolahan.
Gama-Lala-Hari Atmaja
