Yogyakarta, www.jogjatv.tv - Ing saben lampah kirab budaya, ingkang ancasipun nglestantunaken upacara adapt, gunungan mujudaken perangan ingkang wigati, salebetipun kirab. Lan ingkang narik kawigatosan, ing saben pungkasaning upacara adapt, gunungan tansah kemawon dados rebatanipun warga. Bab punika awit wontenipun kapitadosan bilih peranganing gunungan saged ndhatengaken berkah.
Sasampunipun paripurna dipun dongani, gunungan ingkang kadamel saking wulu wedaling bumi sarta tetedhan tradisional, lajeng dipun rebataken dhateng warga ingkang ningali lampahing kirab gunungan. Kawontenan kados makaten asring dipun panggihaken salebeting lampah upacara adat ingkang dipun adani ing saben tlatah. Katingalipun sampun dados tradisi bilih lampahing upacara adat tansah dipun antu–antu dening warga.
Kados ingkang katingal salebeting Upacara Kirab Budaya Mataram Ageng Kuthogede punika. Warga kupiya sami ngrebat peranganing gunungan ingkang sampun dipun dongani. Kepara ing antawisipun warga ingkang boten kasil ngrebat gunungan, trimah mendheti sisa gunungan ingkang kecer. Warga ingkang dhateng, mboten namung asal saking wewengkon Kotagede kemawon, ananging ugi asal saking maneka tlatah. Pangajabipun warga, peranganing gunungan badhe saged ndhatengaken berkah salebeting panggesangan. Bab punika temtu kemawon namung pangajab kemawon, sanes katujokaken minangka tumindak musrik.
Afirtha Diah Apsari-Abdul Maarif
Sasampunipun paripurna dipun dongani, gunungan ingkang kadamel saking wulu wedaling bumi sarta tetedhan tradisional, lajeng dipun rebataken dhateng warga ingkang ningali lampahing kirab gunungan. Kawontenan kados makaten asring dipun panggihaken salebeting lampah upacara adat ingkang dipun adani ing saben tlatah. Katingalipun sampun dados tradisi bilih lampahing upacara adat tansah dipun antu–antu dening warga.
Kados ingkang katingal salebeting Upacara Kirab Budaya Mataram Ageng Kuthogede punika. Warga kupiya sami ngrebat peranganing gunungan ingkang sampun dipun dongani. Kepara ing antawisipun warga ingkang boten kasil ngrebat gunungan, trimah mendheti sisa gunungan ingkang kecer. Warga ingkang dhateng, mboten namung asal saking wewengkon Kotagede kemawon, ananging ugi asal saking maneka tlatah. Pangajabipun warga, peranganing gunungan badhe saged ndhatengaken berkah salebeting panggesangan. Bab punika temtu kemawon namung pangajab kemawon, sanes katujokaken minangka tumindak musrik.
Afirtha Diah Apsari-Abdul Maarif
