Ngayogyakarta, www.jogjatv.tv - Romantisme dados perangan ingkang nengsemaken tumrapipun Komunitas Perupa Alumnus ISI Yogyakarta angkatan taun 96, kangge nggugah bab kasebat, Komunitas Detik 96 nggelar pameran seni rupa reuni ingkang kaping 2, mapan ing Taman Budaya Yogyakarta. Puluhan wohing pakaryan seni rupa dipun pajang minangka wujud tetegipun pilihan mecaki lampah gesang sasampunipun lulus kuliah.
Kanthi dipun kepyakaken dening GBPH Yudaningrat, pameran seni rupa sesirah Uprising ingkang dipun gelar dening Keluarga Detik 96 punika mameraken maneka wohing pakaryan seni saking warganing komunitas. Wohing pakaryan seni kasebat kathah ingkang mralambangaken maneka bab, wiwit saking perkawis sosial minangka pangaribawa modernisasi ngantos pangaribawa kurdaning Redi Merapi taun 2010 kapengker.
Pameran punika mujudaken pameran ingkang kaping 4 saking Keluarga Detik 96 sasampunipun lulus saking ISI Yogyakarta, lan pameran reuni ingkang kaping 2 tumrap komunitas kasebat. Sinaosa saking angkatan taun 1996 boten sedayanipun dados seniman, nanging bab punika sanes bab ingkang wigatos lan saged nuwuhaken perdondi. Bab kasebat jalaran saben lulusan sampun gadhah pilihan mecaki lampah gesangipun piyambak-piyambak laras kaliyan krenteging manahipun. Sinaosa makaten, taksih wonten sawetawis paraga ingkang nggegegi jalur seni rupa lan asring tumut pameran inggih ing Indonesia lan mancanagari, kadosta Made Palguna, Agus Baqul, Januri, Nyoman Suyasa lan ugi Nengah Sujena. Lumantar pameran punika Keluarga Detik 96 ngajab supados ajang punika sanes sarana kangge pados pamedal lan kuncara kemawon, nanging minangka ajang temu kangen warga komunitas. Pameran ing Taman Budaya Yogyakarta punika dipun gelar wiwit tanggal 17-21 April benjang.
Ernyta-Andri Yulianto
Kanthi dipun kepyakaken dening GBPH Yudaningrat, pameran seni rupa sesirah Uprising ingkang dipun gelar dening Keluarga Detik 96 punika mameraken maneka wohing pakaryan seni saking warganing komunitas. Wohing pakaryan seni kasebat kathah ingkang mralambangaken maneka bab, wiwit saking perkawis sosial minangka pangaribawa modernisasi ngantos pangaribawa kurdaning Redi Merapi taun 2010 kapengker.
Pameran punika mujudaken pameran ingkang kaping 4 saking Keluarga Detik 96 sasampunipun lulus saking ISI Yogyakarta, lan pameran reuni ingkang kaping 2 tumrap komunitas kasebat. Sinaosa saking angkatan taun 1996 boten sedayanipun dados seniman, nanging bab punika sanes bab ingkang wigatos lan saged nuwuhaken perdondi. Bab kasebat jalaran saben lulusan sampun gadhah pilihan mecaki lampah gesangipun piyambak-piyambak laras kaliyan krenteging manahipun. Sinaosa makaten, taksih wonten sawetawis paraga ingkang nggegegi jalur seni rupa lan asring tumut pameran inggih ing Indonesia lan mancanagari, kadosta Made Palguna, Agus Baqul, Januri, Nyoman Suyasa lan ugi Nengah Sujena. Lumantar pameran punika Keluarga Detik 96 ngajab supados ajang punika sanes sarana kangge pados pamedal lan kuncara kemawon, nanging minangka ajang temu kangen warga komunitas. Pameran ing Taman Budaya Yogyakarta punika dipun gelar wiwit tanggal 17-21 April benjang.
Ernyta-Andri Yulianto
