Bantul, www.jogjatv.tv - Mratahipun tas damelan Cina watawis 6 wulan pungkasan, njalari para perajin tas ing Kabupaten Bantul pisambat. Supados pakaryanipun tetep saged mlampah, para perajin tas samangke gantos damel tas bathik, jalaran kangelan pados bahan baku tas kadosta plastik lan vinil.
Bambang, satunggaling perajin tas saking Padhukuhan Watu Kempul, Desa Potorono, Kecamatan Banguntapan, Bantul mratelakaken, wiwit mratahipun tas damelan Cina, samangke produksinipun suda sakalangkung kathah. Menawi saderengipun, kanthi dipun biyantu dening 12 tenaga padamelipun, Bambang saged damel tas cacah 150 iji ing saben dintenipun, nanging samangke namung damel 50 iji kemawon. Supados pakaryanipun tetep saged mlampah, samangke Bambang gantos damel tas bathik.
Kejawi awit mratahipun tas damelan Cina, para perajin tas lokal ugi pisambat angelipun pados bahan baku tas ingkang mutunipun sae. Plastik lan vinyl ingkang dipun sade ing peken lokal mutunipun kirang sae, satemah menawi kangge bahan baku, regi panyadening tas ugi namung mirah. Para perajin punika namung saged ngajab dhateng pamarentah supados matesi mratahipun tas impor saking Cina, satemah para perajin saged nglampahaken pakaryanipun kados sakawit.
Anang Zainuddin
Bambang, satunggaling perajin tas saking Padhukuhan Watu Kempul, Desa Potorono, Kecamatan Banguntapan, Bantul mratelakaken, wiwit mratahipun tas damelan Cina, samangke produksinipun suda sakalangkung kathah. Menawi saderengipun, kanthi dipun biyantu dening 12 tenaga padamelipun, Bambang saged damel tas cacah 150 iji ing saben dintenipun, nanging samangke namung damel 50 iji kemawon. Supados pakaryanipun tetep saged mlampah, samangke Bambang gantos damel tas bathik.
Kejawi awit mratahipun tas damelan Cina, para perajin tas lokal ugi pisambat angelipun pados bahan baku tas ingkang mutunipun sae. Plastik lan vinyl ingkang dipun sade ing peken lokal mutunipun kirang sae, satemah menawi kangge bahan baku, regi panyadening tas ugi namung mirah. Para perajin punika namung saged ngajab dhateng pamarentah supados matesi mratahipun tas impor saking Cina, satemah para perajin saged nglampahaken pakaryanipun kados sakawit.
Anang Zainuddin
