Bantul, www.jogjatv.tv - Paneraking ama uler ingkang saya sumebar mratah dhateng sawetawis wewengkon, nuwuhaken raos giris tumrap warga masyarakat, awit kuwatos menawi paneraking ama uler dumugi ing papanipun. Kangge ngawekani sumebaripun ama uler kasebat, sawetawis warga kepeksa negor utawi mronggol uwit wohwohan gadhahanipun.
Tanpa kedah lumantar bebadan ingkang magepokan, warga ingkang rumaos gila lan miris dhateng paneraking ama uler lajeng mronggoli maneka uwit uwitan gadhahanipun. Kadosta Ninik, warga Banguntapan Bantul punika mronggoli uwit wohwohan gadhahanipun, lan namung ngengeh 1 uwit duren ingkang saweg nyekar. Awit prasasat sedaya uwit wohwohan gadhahanipun dipun pronggol, Ninik ing taun samangke kepeksa boten saged panen.
Kangge ngawekani sumebaripun ama uler, tumrap panjenengan ingkang gadhah uwit ageng ing sakiwa tengen griya, prayogi saben enjing dipun taliti. Menawi dipun panggihaken uler, prayogi lajeng dipun brastha, inggih kanthi dipun besem utawi kanthi mronggol pang uwit. Bab kasebat jalaran pangrembakaning ama uler cepet sanget, lan menawi panerakipun nemen, saged nelasaken ron uwit ageng namung salebeting wekdal 2 dinten kemawon.
Ernyta-Andri Yulianto
Tanpa kedah lumantar bebadan ingkang magepokan, warga ingkang rumaos gila lan miris dhateng paneraking ama uler lajeng mronggoli maneka uwit uwitan gadhahanipun. Kadosta Ninik, warga Banguntapan Bantul punika mronggoli uwit wohwohan gadhahanipun, lan namung ngengeh 1 uwit duren ingkang saweg nyekar. Awit prasasat sedaya uwit wohwohan gadhahanipun dipun pronggol, Ninik ing taun samangke kepeksa boten saged panen.
Kangge ngawekani sumebaripun ama uler, tumrap panjenengan ingkang gadhah uwit ageng ing sakiwa tengen griya, prayogi saben enjing dipun taliti. Menawi dipun panggihaken uler, prayogi lajeng dipun brastha, inggih kanthi dipun besem utawi kanthi mronggol pang uwit. Bab kasebat jalaran pangrembakaning ama uler cepet sanget, lan menawi panerakipun nemen, saged nelasaken ron uwit ageng namung salebeting wekdal 2 dinten kemawon.
Ernyta-Andri Yulianto
