Gunungkidul, www.jogjatv.tv - 7 calon dhukuh, Padhukuhan Siyono Tengah, Desa Logandeng, Kecamatan Playen, Gunungkidul, dinten senen enjing(18/4), tumut lampahing pesta demokrasi kangge milih dhukuh ing padhukuhan kasebat. kadosdene lampahing pemilukada limrahipun, mbaka setunggal warga masyarakat ngginakaken hak pilihipun ing Bale Padhukuhan Siyono Tengah.
Sasampunipun watawis 10 wulan, Padhukuhan Siyono Tengah boten gadhah dhukuh, dinten senen enjing(18/4), 533 warga saking 5 RT ing padhukuhan kasebat, ngadani pilihan Dhukuh Siyono Tengah. 7 calon dhukuh ingkang tumut salebeting pilihan kasebat inggih punika Surtriyani, Tri Suyatno, Rohmat, Sukisno, Baryadi, Supriyanto lan Sulistyo.
Kadosdene lampahing Pemilihan Kepala Daerah utawi Pemilukada, sedaya warga masyarakat ingkang sampun gadhah hak pilih lan kadaptar ing DPT, gadhah hak kangge ngginakaken hak pilihipun. Kanthi ngginakaken kartu pendaftaran, setunggal mbaka setunggal warga antri mendhet surat suara, ingkang salajengipun dipun bekta dhateng bilik kangge nelakaken hak pilih.
Ketua Panitia Pemilihan Dhukuh Siyono Tengah, Sugiharjo mratelakaken, kridha punika kejawi kangge milih dhukuh ugi kangge nuwuhaken kesadharan masyarakat ing babagan demokrasi. Demokrasi sanes bab ingkang awis lan ngajrih ajrihi, nanging demokrasi mujudaken satunggaling kupiya minangka wadhah tumrap masyarakat nanjakaken hak pilih.
Dados dhukuh mujudaken satunggaling bab ingkang damel bombong tumrap calon dhukuh saking warga masyarakat Siyono Tengah. Para calon dhukuh ugi janji menawi kapilih minangka dhukuh badhe tansah ngabdi lan suka ladosan dhateng masyarakat.
Chandra Saputro
Sasampunipun watawis 10 wulan, Padhukuhan Siyono Tengah boten gadhah dhukuh, dinten senen enjing(18/4), 533 warga saking 5 RT ing padhukuhan kasebat, ngadani pilihan Dhukuh Siyono Tengah. 7 calon dhukuh ingkang tumut salebeting pilihan kasebat inggih punika Surtriyani, Tri Suyatno, Rohmat, Sukisno, Baryadi, Supriyanto lan Sulistyo.
Kadosdene lampahing Pemilihan Kepala Daerah utawi Pemilukada, sedaya warga masyarakat ingkang sampun gadhah hak pilih lan kadaptar ing DPT, gadhah hak kangge ngginakaken hak pilihipun. Kanthi ngginakaken kartu pendaftaran, setunggal mbaka setunggal warga antri mendhet surat suara, ingkang salajengipun dipun bekta dhateng bilik kangge nelakaken hak pilih.
Ketua Panitia Pemilihan Dhukuh Siyono Tengah, Sugiharjo mratelakaken, kridha punika kejawi kangge milih dhukuh ugi kangge nuwuhaken kesadharan masyarakat ing babagan demokrasi. Demokrasi sanes bab ingkang awis lan ngajrih ajrihi, nanging demokrasi mujudaken satunggaling kupiya minangka wadhah tumrap masyarakat nanjakaken hak pilih.
Dados dhukuh mujudaken satunggaling bab ingkang damel bombong tumrap calon dhukuh saking warga masyarakat Siyono Tengah. Para calon dhukuh ugi janji menawi kapilih minangka dhukuh badhe tansah ngabdi lan suka ladosan dhateng masyarakat.
Chandra Saputro
