Kulonprogo, www.jogjatv.tv - Tumempuhing bena ladhu ing Lepen Progo, njalari atusan hektar laladan pasabinan katutup pasir. Kangge ngawekani kawontenan punika, atusan petani ing Dhusun Ganasari, Desa Banjarasri, Kecamatan Kalibawang, Kulon Progo, damel tanggul darurat saking karung pasir, ingkang dipun pasang ing pinggiring Lepen Progo.
Ngantos ing dinten Minggu enjing(17/4), toya bena ing Lepen Progo dereng surut, kepara ilining toya tansaya santer. Bab punika njalari atusan hektar sabin ing sakiwa tengening Lepen Progo, lajeng katutup pasir. Kangge ngawekani supados bena boten mutawatosi, puluhan petani damel tanggul darurat saking karung pasir.
Tumempuhing bena njalari kridhaning ekonomi dados lumpuh. Kangge nyekapi kabetahan gesangipun, sanak kadang tani ing wewengkon kasebat makarya minangka berah tani ing desa sacelakipun.
Muhammad Sugeng
Ngantos ing dinten Minggu enjing(17/4), toya bena ing Lepen Progo dereng surut, kepara ilining toya tansaya santer. Bab punika njalari atusan hektar sabin ing sakiwa tengening Lepen Progo, lajeng katutup pasir. Kangge ngawekani supados bena boten mutawatosi, puluhan petani damel tanggul darurat saking karung pasir.
Tumempuhing bena njalari kridhaning ekonomi dados lumpuh. Kangge nyekapi kabetahan gesangipun, sanak kadang tani ing wewengkon kasebat makarya minangka berah tani ing desa sacelakipun.
Muhammad Sugeng
