Ngayogyakarta, www.jogjatv.tv - Minangka kupiya kangge nglestantunaken budaya Jawi, sarta kangge ngemut emut labuh labetipun seniman teater WS Rendra, Teater Jubah Macan SMA 3 Ngayogyakarta, malem Minggu kala wingi(16/4), ngadani pentas kolosal ing Taman Budaya Yogyakarta. Pentas teater ingkang nyariosaken lampah perjuwanganipun Suku Naga anggitanipun WS Rendra, dipun lampahaken dening 60 paraga nem-neman ingkang narik kawigatosan para pamirsa.
Pimpinan produksi Alinda Nur Fitriana mratelakaken, pentas teater Jubah Macan, ingkang nyariosaken perjuwanganipun Suku Naga mujudaken pentas ingkang kaping 38. Carios perjuangan Suku Naga, anggitanipun WS Rendra, kanthi sutradra Eringa Erfiana, nyariosaken perjuwanganipun para wanita, salebetipun ngrebat kamardikan. Kejawi punika, ugi minangka panyaruwe lampahing pemerintahan, ingkang samangke kathah dumados korupsi, lan tumindak culika, ingkang njalari kapitunaning nagari. Alinda ngajab, pentas punika kajawi minangka panglipur, ugi saged dados kaca benggala salebeting gesang padintenan, inggih menggahing para wiranem, pejabat, punapa dene masyarakat umum.
Humas teater Jubah Macan, Putri mratelakaken, teater Jubah Macan ajeg dipun adani setahun sepisan. Nanging lampahing pentas ing malem Minggu kala wingi(16/4), katingal beda kaliyan pentas saderengipun. Awit cacahing warga ingkang ningali ing dalu kasebat nggayuh watawis tiyang 1.200.
Nadi Mulyadi
Pimpinan produksi Alinda Nur Fitriana mratelakaken, pentas teater Jubah Macan, ingkang nyariosaken perjuwanganipun Suku Naga mujudaken pentas ingkang kaping 38. Carios perjuangan Suku Naga, anggitanipun WS Rendra, kanthi sutradra Eringa Erfiana, nyariosaken perjuwanganipun para wanita, salebetipun ngrebat kamardikan. Kejawi punika, ugi minangka panyaruwe lampahing pemerintahan, ingkang samangke kathah dumados korupsi, lan tumindak culika, ingkang njalari kapitunaning nagari. Alinda ngajab, pentas punika kajawi minangka panglipur, ugi saged dados kaca benggala salebeting gesang padintenan, inggih menggahing para wiranem, pejabat, punapa dene masyarakat umum.
Humas teater Jubah Macan, Putri mratelakaken, teater Jubah Macan ajeg dipun adani setahun sepisan. Nanging lampahing pentas ing malem Minggu kala wingi(16/4), katingal beda kaliyan pentas saderengipun. Awit cacahing warga ingkang ningali ing dalu kasebat nggayuh watawis tiyang 1.200.
Nadi Mulyadi
