Bantul, www.jogjatv.tv - Maneka cara dipun tempuh dening sekolahan supados siswanipun saged nggarap soal Ujian Nasional kanthi sae. Sawetawis sekolahan nggelar Achievment Motivation Training, donga sesarengan lan ugi pendalaman materi. SMA Negeri II Banguntapan, Bantul gadhah cara ingkang nyleneh kangge nyamektakaken siswanipun ngadhepi Ujian Nasional. Sekolah ngedahaken siswa kelas XII nindakaken Sholat Dhuha kanthi jamaah, kalajengaken sarapan sesarengan.
134 siswa-siswi SMA Negeri II Banguntapan ingkang badhe tumut Ujian Nasional, wiwit jam 06.00 WIB sampun katingal dhateng ing sekolahan. Sinaosa Ujian Nasional badhe dipun wiwiti jam 08.00 WIB, nanging para siswa sengaja dhateng ing sekolahan langkung gasik, kangge tumut rerangkening kridha ndungkap Ujian Nasional. Saderengipun nggarap soal ujian, para siswa dipun ajak dhateng mesjid kangge nindakaken Sholat Dhuha kanthi jamaah, kalajengaken ndedonga sesarengan.
Sasampunipun Sholat Dhuha, para siswa sarapan sesarengan, kanthi masakan ingkang prasaja.
Kepala SMA Negeri II Banguntapan, Wiyono mratelakaken, kridha punika ajeg dipun adani saben taun ndungkap tumapaking Ujian Nasional. Bab kasebat kangge nyuda tingkat stress siswa ingkang badhe tumut Ujian Nasional, jalaran wiwit 2 wulan pungkasan, para siswa tumut maneka rerangken kridha cecawisan UNAS. Kaajab kanthi kridha kados makaten, saged dados panjurung tumrap para siswa kangge ngadhepi Ujian Nasional, lan saged lulus kanthi biji ingkang maremaken.
Anang Zainuddin
134 siswa-siswi SMA Negeri II Banguntapan ingkang badhe tumut Ujian Nasional, wiwit jam 06.00 WIB sampun katingal dhateng ing sekolahan. Sinaosa Ujian Nasional badhe dipun wiwiti jam 08.00 WIB, nanging para siswa sengaja dhateng ing sekolahan langkung gasik, kangge tumut rerangkening kridha ndungkap Ujian Nasional. Saderengipun nggarap soal ujian, para siswa dipun ajak dhateng mesjid kangge nindakaken Sholat Dhuha kanthi jamaah, kalajengaken ndedonga sesarengan.
Sasampunipun Sholat Dhuha, para siswa sarapan sesarengan, kanthi masakan ingkang prasaja.
Kepala SMA Negeri II Banguntapan, Wiyono mratelakaken, kridha punika ajeg dipun adani saben taun ndungkap tumapaking Ujian Nasional. Bab kasebat kangge nyuda tingkat stress siswa ingkang badhe tumut Ujian Nasional, jalaran wiwit 2 wulan pungkasan, para siswa tumut maneka rerangken kridha cecawisan UNAS. Kaajab kanthi kridha kados makaten, saged dados panjurung tumrap para siswa kangge ngadhepi Ujian Nasional, lan saged lulus kanthi biji ingkang maremaken.
Anang Zainuddin
